ELM VƏ TƏHSİL
Təhsil İnstitutunun Təhsil Texnologiyaları Mərkəzi elektron sınaq imtahanlarını davam etdirir
Bakı, 18 aprel, AZƏRTAC
Təhsil İnstitutunun Təhsil Texnologiyaları Mərkəzi (TİTTM) direktor və müəllim olmaq istəyənlər üçün növbəti elektron sınaq imtahanları keçirəcək. Belə ki, direktor vəzifəsini tutmaq istəyənlər üçün imtahan aprelin 22-də, müəllim olmaq istəyənlər üçün imtahan isə aprelin 23-də Nizami rayonundakı 220 nömrəli məktəbdə təşkil ediləcək.
Mərkəzdən AZƏRTAC-a bildiriblər ki, sınaq imtahanları kompüter vasitəsilə həyata keçiriləcək. Mərkəz elektron sınaq imtahanlarına olan böyük marağı nəzərə alaraq imtahanları hər həftə keçirməyi planlaşdırır. Gələcəkdə sınaq imtahanlarının regionlarda da təşkili nəzərdə tutulub.
Elektron sınaq imtahanlarına qatılmaq istəyənlər TİTTM-yə müraciət edərək qeydiyyatdan keçməlidirlər.