ELM VƏ TƏHSİL


Təhsilin məzmunu və dərsliklərlə bağlı müzakirələr aparılıb

Bakı, 18 iyul, AZƏRTAC

Təhsil Nazirliyi yanında “Təhsilin məzmunu və dərsliklər” üzrə Daimi Şuranın ilk iclası keçirilib.

Nazirlikdən AZƏRTAC-a bildiriblər ki, təhsil nazirinin müavini Ceyhun Bayramovun sədrliyi ilə keçirilən iclasda şuranın ictimai əhəmiyyəti barədə məlumat verilib. Eyni zamanda, təhsilin məzmunu və dərsliklərlə bağlı ümumi vəziyyət ətraflı müzakirə olunub, şuranın fəaliyyətinin əsas prioritet istiqamətləri ətrafında fikir mübadiləsi aparılıb.

Sonra növbəti iclasın əsas mövzusu “Ümumi təhsilin dövlət standartları” kimi müəyyənləşdirilib.

“Təhsilin məzmunu və dərsliklər” üzrə Daimi Şura müvafiq sahədə mövcud olan problem və təklifləri maraqlı tərəflərlə - dövlət qurumları, nəşriyyatlar, valideyn icmaları və məktəb rəhbərləri ilə müzakirə etməklə təhsilin məzmununda müasir yanaşmaları tətbiq etməyə imkan yaradacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.