ELM VƏ TƏHSİL


Tələbələr Koreya dili üzrə beynəlxalq qabiliyyət imtahanında yüksək nəticə göstəriblər

Bakı, 1 iyun, AZƏRTAC

Azərbaycan Dillər Universitetində (ADU) Koreya dili üzrə beynəlxalq qabiliyyət imtahanı (TOPİK) keçirilib.

ADU-dan AZƏRTAC-a bildirilib ki, imtahanda tərcümə fakültəsinin Koreya dili ixtisası üzrə təhsil alan tələbələri ilə yanaşı, bu dili fərdi olaraq öyrənən şəxslər də iştirak ediblər.

Bu il sayca 52-ci dəfə keçirilən Koreya dili üzrə beynəlxalq qabiliyyət imtahanı vermək üçün 47 nəfər müraciət edib. İmtahanın nəticələri topik.go.kr saytında elan edilib. ADU-nun tərcümə fakültəsinin Koreya dili ixtisası üzrə təhsil alan I kurs tələbələri Yemən Əzizzadə və Aydan Hacıyeva beynəlxalq qabiliyyət imtahanında tam nəticə (200/200) əldə ediblər.

Qeyd edək ki, Koreya dili üzrə beynəlxalq qabiliyyət imtahanı 2006-cı ildən etibarən Azərbaycanda yalnız ADU-da ildə iki dəfə keçirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.