REGİONLAR


Tələbələr “Müsyo Jordan və Dərviş Məstəli Şah” tamaşasını nümayiş etdiriblər

A+ A

Gəncə, 7 oktyabr, Rauf Hacıyev, AZƏRTAC

Gəncədə “Avropa Gənclər Paytaxtı” layihəsi çərçivəsində Mədəniyyət və Turizm Nazirliyinin Tədbirlər Planına əsasən Azərbaycan Dövlət Mədəniyyət və İncəsənət Universitetinin “Sabah” qrupunun tələbələrinin iştirakı ilə tamaşa göstərilib.

AZƏRTAC xəbər verir ki, Gəncə Dövlət Dram Teatrının səhnəsində nümayiş etdirilən tamaşa M.F.Axundzadənin “Müsyo Jordan və Dərviş Məstəli Şah” pyesi əsasında hazırlanıb.

Əməkdar Artist, tamaşanın quruluşçu rejissoru Nofəl Vəliyev bildirib ki, gənc aktyorlar bu tamaşa ilə Gəncədən əvvəl Mingəçevirdə teatrsevərlərin alqışını qazanıblar. Gəncə şəhərindən sonra tamaşanın Şəki və Lənkəranda göstərilməsi nəzərdə tutulub.

O qeyd edib ki, “Müsyo Jordan və Dərviş Məstəli Şah” pyesində oynayan 11 tələbə hazırda Uilyam Şekspirin “Romeo və Cülyetta” faciəsinə həsr edilən tamaşada da rol alıblar. Qrup üzvləri yeni əsər üzərində də məşqlərini davam etdirirlər.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.