DÜNYA


Tereza Meyin əvvəlki kabinetinin əsas nazirləri öz postlarında qalacaq

Bakı, 9 iyun, AZƏRTAC

Böyük Britaniyanın Baş naziri Tereza Meyin əvvəlki kabinetinin əsas nazirləri yeni hökumətin tərkibində yer alacaq. Bunu Nazirlər Kabinetinin dəftərxanasından bildiriblər.

AZƏRTAC TASS informasiya agentliyinə istinadla xəbər verir ki, postlarında qalanlar arasında maliyyə naziri Flip Xammond, xarici işlər naziri Boris Conson, müdafiə naziri Maykl Fellon, daxili işlər naziri Ember Radd, Brexit məsələləri üzrə nazir Devid Devis var.

Böyük Britaniyada keçirilən ümumi seçkilərdə Tereza Meyin Mühafizəkarlar Partiyası 650 yerlik İcmalar Palatasında 318 yer əldə edərək parlament çoxluğunu itirib. Bu nəticə Baş naziri parlamentdə 10 mandata yiyələnmiş Şimali İrlandiyanın Demokratik Yunionist Partiyasının dəstəyi ilə azlıq hökumətini formalaşdırmağa vadar edib.

Xatırladaq ki, növbədənkənar parlament seçkilərində mühafizəkarlar 318, leyboristlər 261, liberal-demokratlar 12, Şotlandiya Milli partiyası 35, qalan digər partiyalar 23 mandat qazanıblar. Bir dairədə səsvermənin nəticələri hələ açıqlanmayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.