DÜNYA


Terror riski ilə bağlı Bali adasında təhlükəsizlik tədbirləri gücləndirilib

A+ A

Bakı, 23 avqust, AZƏRTAC

Turistlər arasında populyar olan Bali adasının (İndoneziya) hökuməti İŞİD qruplaşması tərəfindən terror aktının təşkilinin mümkünlüyü barədə informasiyadan sonra təhlükəsizlik tədbirlərini gücləndirilib.

AZƏRTAC TASS informasiya agentliyinə istinadla xəbər verir ki, bu barədə yerli polisin nümayəndəsi Sugenq Priyanto məlumat verib. Polisin məlumatına əsasən, bu yaxınlarda Sumatra adasında saxlanılan şəxsin evində aparılan axtarış nəticəsində partlayıcı qurğu, həmçinin böyük təsir radiusuna malik partlayıcı üçün elementlər aşkarlanıb.

Xatırladaq ki, İndoneziya tarixində ən böyük terror aktı 2002-ci il oktyabrın 12-də məhz bu adada baş vermişdi. Partlayış nəticəsində aralarında 164 xarici vətəndaşın olduğu 202 nəfər həyatını itirmiş, 209 nəfər isə yaralanmışdı.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.