REGİONLAR


Tərtərdə ölümlə nəticələnən yol-nəqliyyat hadisəsi baş verib

A+ A

Tərtər, 22 avqust, Tahir Ağaməmmədov, AZƏRTAC

Avqustun 22-si günorta saatlarında Tərtər-Hindarx avtomobil yolunun 18-ci kilometrliyində ölümlə nəticələnən yol-nəqliyyat hadisəsi baş verib. Avtomobil yolunun Tərtər rayonunun “Dördyol-1” qəsəbəsi ərazisindən keçən hissəsində qeydə alınan qəza nəticəsində bir nəfər ölüb, iki nəfər isə ağır xəsarət alıb.

AZƏRTAC xəbər verir ki, Şuşa rayon sakini 1970-ci il təvəllüdlü Həsənov İsmayıl Həsən oğlunun idarə etdiyi 50 CN 703 nömrəli “Mercedes” markalı avtomaşınla Ağdam rayon sakini, 1957-ci il təvəllüdlü Qəhrəmanov Şakir Abdulla oğlunun idarə etdiyi 02 BR 118 nömrəli “VAZ 2106” markalı avtomobil toqquşub. Nəticədə Şakir Qəhrəmanov hadisə yerində ölüb, iki sərnişin isə müxtəlif bədən xəsarətləri alıb.

Faktla bağlı Tərtər Rayon Polis Şöbəsinin istintaq qrupunda araşdırma aparılır.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.