REGİONLAR


Təzə Kürdəmir kartofu artıq ətraf rayonların bazarlarına çıxarılıb

Kürdəmir, 10 iyun, AZƏRTAC

Kürdəmirdə kartof yığımı davam edir və artıq yerli bazarlara və ətraf rayonların bazarlarına təzə məhsul çıxarılır.

Rayon icra hakimiyyətindən AZƏRTAC-a bildirilib ki, cari mövsümdə bölgədə 1120 hektarda yazlıq kartof əkilib və sahələrdə bol məhsul yetişdirilib. Artıq 10 min 500 tonadək məhsul götürülüb. Rayonun daha çox kartof əkilən Kürqırağı ərazilərində, o cümlədən Axtaçı, Mehdili, Qocalı, Ərəbqubalı və digər ərazi vahidlərində məhsul yığımı sürətlə davam etdirilir. Torpaq mülkiyyətçiləri ağır zəhmət bahasına əkib-becərdikləri sahələrdən bol məhsul əldə edirlər.

Hər yerdə bütün qüvvələr məhsulun tez və itkisiz yığılmasına səfərbər edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.