SİYASƏT


“The Japan Times” qəzeti Azərbaycanın uğurlarından yazıb

Tokio, 1 iyun, AZƏRTAC 

Yaponiyanın nüfuzlu “The Japan Times” qəzetində 28 May – Respublika Günü və Azərbaycan ilə bu ölkə arasında diplomatik münasibətlərinin qurulmasının 25 illiyi münasibətilə məqalə dərc edilib.

Ölkəmizin Yaponiyadakı səfiri Gürsel İsmayılzadənin müəllifi olduğu “Azərbaycanın davamlı inkişafı” sərlövhəli məqalədə ötən əsrin əvvəllərində müstəqilliyin qazanıldığı, 1991-ci il oktyabrın 18-də isə yenidən bərpa edildiyi bildirilib. Müasir Azərbaycanın bu gün Prezident İlham Əliyevin rəhbərliyi ilə inkişaf yolunda inamla addımladığı, ölkədə davamlı siyasi-iqtisadi islahatların həyata keçirildiyi, məqsədyönlü siyasət nəticəsində son illər qazanılan böyük uğurlar barədə ətraflı məlumat verilib. Yaponiyalı oxucular, həmçinin iqtisadiyyat, xüsusilə qeyri-neft sektorunun inkişafı ilə bağlı həyata keçirilən və gələcəkdə nəzərdə tutulan müxtəlif layihələr barədə məlumatlandırılıb.

Yazıda bu il Azərbaycan ilə Yaponiya arasında diplomatik münasibətlərin qurulmasının 25 illiyinin qeyd olunduğunu xatırladan səfir bununla bağlı qarşılıqlı mötəbər tədbirlərin, səfərlərin planlaşdırıldığını qeyd edib. Məqalədə iki ölkə arasında iqtisadi, o cümlədən enerji və qeyri-neft sektorunda əməkdaşlığın inkişafı barədə də ətraflı məlumat verilib. Qeyd edilib ki, son illər Azərbaycan ilə Yaponiya arasında regionlararası əməkdaşlıq da genişlənir. Bu, ikitərəfli münasibətlərin inkişafına mühüm töhfə verir.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.