İQTİSADİYYAT


Tobias Baumann: Bavariya-Azərbaycan Biznes Forumu əməkdaşlığımızın möhkəmlənməsinə töhfə verəcək

Bakı, 31 may, AZƏRTAC

Bavariya İqtisadiyyat, Kütləvi İnformasiya Vasitələri, Enerji və Texnologiya üzrə Dövlət Nazirliyinin dövlət katibi Franz Yozef Pşirer və bu vilayətin bir neçə şirkətinin nümayəndə heyəti Bakıdadır. Onlar Azərbaycanla iqtisadi-ticari əlaqələrin daha da genişlənməsində, qarşılıqlı informasiya mübadiləsində maraqlıdırlar. Bugünkü Bavariya-Azərbaycan Biznes Forumu ölkələrimiz arasında əməkdaşlığın daha da möhkəmlənməsinə töhfə verəcək.

Bu sözləri AZƏRTAC-a müsahibəsində Alman-Azərbaycan Xarici Ticarət Palatasının icraçı direktoru Tobias Baumann Bavariya-Azərbaycan biznes forumunun əhəmiyyəti barədə danışarkən deyib.

“Forum inşaat, şəhərsalma, informasiya və kommunikasiya texnologiyaları, avtomobil sənayesi, istehlak malları və digər sahələri təmsil edən 120-dən çox Bavariya və Azərbaycan biznes nümayəndələrini bir araya gətirib. Bu, ölkələrimiz arasında ticarət əlaqələrin daha da güclənməsinə kömək edir. Bugünkü forum biznes imkanları barədə təsəvvür əldə etmək, siyasi təmsilçilərlə, eləcə də iqtisadi təsisatlar və firmaların nümayəndələri ilə əlaqə yaratmaq baxımından gözəl imkandır”, - deyə T.Baumann bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.