DÜNYA


Tokio Fond Birjasında “Nikkey” indeksi günü ilin ən yüksək göstəricisi ilə başa vurub

Tokio, 21 iyun, AZƏRTAC 

İyunun 20-də Tokio Fond Birjasında “Nikkey” indeksi Avropa və ABŞ bazarlarında kotirovkaların müşahidə olunan artımı fonunda günü ilin ən yüksək göstəricisi ilə başa vurub.

Yaponiyanın 225 aparıcı şirkətinin səhmlərinin məzənnəsini özündə əks etdirən bu indeks 162 bənd artaraq, günü 20.230 bənd həddində yekunlaşdırıb.

Bazar mənbələrinin bildirdiyinə görə, Avropa və ABŞ bazarlarındakı oyunçuların oyunu yüksələn xətlə davam etdirməsi nəticəsində investorlar geniş spektrdə səhmlərin satışı üzrə sifarişlər yerləşdiriblər. Eyni zamanda, investorların ABŞ Federal Ehtiyatlar Sisteminin cari həftə ərzində iqtisadiyyatla bağlı məlumatını diqqətlə izlədiyi də bildirilir.

 

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.