DÜNYA


Tokio Şimali Koreyaya qarşı sanksiyalar məsələsində  Vaşinqton və Seulla birlikdə çalışacaq

Tokio, 5 iyun, AZƏRTAC 

Yaponiya Şimali Koreyaya qarşı BMT Təhlükəsizlik Şurasının qətnaməsini bəyənir və Pxenyana təzyiqi artırmaq üçün Vaşinqton və Seul ilə birlikdə işi davam etdirəcək. Bu barədə iyunun 5-də Baş nazir Şinzo Abe bəyan edib.

BMT Təhlükəsizlik Şurası Şimali Koreyanın raket sınaqlarının davam etdirilməsi ilə əlaqədar bu ölkəyə qarşı sanksiyaların genişləndirilməsi barədə qətnaməni iyunun 2-də yekdilliklə qəbul edib.

Qətnamənin şərhi ilə əlaqədar Baş nazirin sözlərindən sitat gətirən Kyodo agentliyi yazır: “Biz qətnaməni yüksək qiymətləndiririk və o, yekdilliklə qəbul edilib. Növbəti sanksiyalarla əlaqədar ABŞ və Koreya Respublikası ilə qarşılıqlı fəaliyyəti davam etdirəcəyik”.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.