Tokionun kriptovalyuta birjasının operatoruna qarşı məhkəmə iddiası hazırlanır
Tokio, 3 fevral, AZƏRTAC
Bir qrup yapon vəkil ötən həftə “Coincheck” kriptovalyuta birjasının kompüterlərinə hücum və külli miqdarda virtual valyuta oğurluğu ilə əlaqədar həmin birjanın operatoruna qarşı iddia qaldıracaqlarını bəyan edib.
AZƏRTAC NHK telekanalına istinadla xəbər verir ki, beş nəfərdən ibarət vəkillər qrupu bu Tokio şirkətinin müştərilərinin həmin xahişlə onlara müraciət etdiklərini deyiblər. Bunu əsas götürən vəkillər fevralın ortalarında Tokio dairə məhkəməsinə iddia ilə müraciət etməyi planlaşdırırlar.
Qrupun üzvləri zərərçəkənlərə kompensasiyaların ödənilməsi də daxil olmaqla bu işi tamamilə öyrənmək niyyətindədirlər.
Vəkillər deyiblər ki, həmin cinayətin qurbanı olmuş digər müştərilər də onlara müraciət edə bilərlər.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
