DÜNYA


“Toshiba” şirkəti yarımkeçiricilər biznesini satmaq üçün ABŞ şirkətləri ilə danışıqlar aparır

Tokio, 10 iyun, AZƏRTAC

Yaponiyanın maliyyə problemləri ilə qarşılaşmış “Toshiba” elektron məhsullar istehsalı şirkəti özünün yarımkeçiricilər biznesini satmaq üçün ABŞ şirkətləri ilə yekun danışıqlara başlayıb.

“Toshiba” iyunun sonunadək alıcı şirkəti müəyyənləşdirəcəyinə ümid edir. Həmin sövdələşmədən əldə olunan gəlir ilə şirkət ABŞ-dakı atom biznesində yol verdiyi itkiləri bərpa edəcəyinə inanır. Həmin itkilərin milyardlarla dollar təşkil etdiyi bildirilir.

“Toshiba”nın prezidenti şirkətin ABŞ tərəfdarı “Western Digital”ın rəhbəri ilə iyunun 9-da Tokioda bir araya gələrək bu alqı-satqı ilə bağlı fikir ayrılığını aradan qaldırmağa çalışıb.

NHK telekanalının etibarlı mənbələrə istinadla verdiyi məlumata görə, görüşdə Amerika tərəfi alıcı şirkətin əldə etmək istədiyi Yapon-Amerika konsorsimunun nəzarət paketindəki payından imtina edərək, aza razı olduğunu bildirib. “Toshiba” həmin təklifə münasibətini hələlik açıqlamayıb.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.