REGİONLAR


Tovuzun elektrik təsərrüfatı yenilənir

Tovuz, 23 iyun, Famil Quliyev, AZƏRTAC

Rayon əhalisini fasiləsiz elektrik enerjisi ilə təchiz etmək üçün Tovuz Elektrik Şəbəkəsi tərəfindən məqsədyönlü tədbirlər həyata keçirilir.

Qurumdan AZƏRTAC-a bildiriblər ki, şəbəkənin normal istismar olunması, itkilərin qarşısının alınması, abonentlərə verilən elektrik enerjisinin keyfiyyətinin yaxşılaşdırılması məqsədilə Həsənli, Hunanlar və Aşağı Quşçu kəndlərində 1900 metr məsafədə sip kabel xətləri çəkilib. Rayon ərazisində 197 ədəd yararsız ağac dayaqlar dəmir dayaqlarla əvəz edilib.

Bundan əlavə, Qandallar, Tovuzçay, Əlimərdanlı və Aşağı Quşçu yarımstansiyalarında əsaslı təmir işləri aparılıb və 25 ədəd güc transformatoru əsaslı təmir edilib.

Yaxın günlərdə isə rayonun Qarasulu, Nağılar, Səfərli və Həsənli kimi ucqar dağ kəndlərində sip kabellərin çəkilişinə başlanılacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.