DÜNYA


Toyota və Mazda şirkətləri kapitallarını birləşdirirlər

Tokio, 5 avqust, AZƏRTAC 

Yaponiyanın tanınmış avtomobil istehsalçısı olan Toyota və Mazda şirkətləri bəyan ediblər ki, əsasən elektromobil və avtonom idarə sisteminə malik avtomobillərin istehsalını birlikdə həyata keçirmək məqsədilə kapitallarını birləşdirirlər.

Əldə edilən razılaşmaya görə, Toyota şirkəti Mazda şirkətinin 5 faizlik payını 450 milyon dollara alır. Mazda isə Toyota şirkətinin 0,25 faizlik payına sahib olacaq. Hər iki şirkət artıq 2015-ci ildən ətraf mühit üzrə texnologiyalar da daxil olmaqla geniş sferada əməkdaşlığa nail olmaq barədə razılıq əldə edib.

Avtomobil qazlarına qarşı tələbkarlığın artdığı bir vaxtda istər Avropa, istər Amerika, istərsə də Çində elektromobillərə tələbatın artacağı güman edilir.

Bu şirkətlərdən heç biri elektromobil istehsalı ilə məşğul olmayıb. Onlar artmaqda olan beynəlxalq rəqabətin qarşısında dayana bilmək məqsədilə kapitallarının birləşdirilməsi barədə razılığa gəliblər.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.