DÜNYA


Tropik qasırğa Yaponiyanın şimal rayonlarına yaxınlaşır

A+ A

Tokio, 17 avqust, AZƏRTAC

Sakit okean üzərindən şimal istiqamətində hərəkət edən tropik qasırğa Yaponiyanın şimal-şərq rayonlarında leysan yağışlara səbəb olub.

Yaponiya Meteoroloji Agentliyinin məlumatına əsasən, avqustun 17-də səhər saat altı radələrində tropik qasırğa Fukuşima prefekturasının İvaki şəhərindən 60 kilometr məsafədə keçib. Qasırğanın saatda 30 kilometr sürətlə şimal istiqamətində hərəkət etdiyi bildirilir. Onun mərkəzində atmosfer təzyiqi 980 hektopikselə bərabərdir.

Meteoroloqların bildirdiyinə görə, qasırğanın Tohoku və Hokkaydo rayonlarına gətirəcəyi yağıntının həcmi saatda 50-80 millimetr təşkil edəcək.

Meteorologiya Agentliyi əhalini daşqınlara və yüksək dalğalara qarşı hazır olmağa çağırıb.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.