DÜNYA


Türk Xalqları Konqresi liderlərinin qurultayı Qaqauz Yerində keçiriləcək

A+ A

Kişineu, 24 avqust, AZƏRTAC

Türk Xalqları Konqresi (TXK) liderlərinin qurultayı avqustun 27-də Qaqauz Yeri Muxtar Ərazi Qurumunun (Moldova Respublikası) Kopçak kəndində keçiriləcək. Bu barədə AZƏRTAC Moldovanın “INFOTAG” internet portalına istinadla xəbər verir.

Qurultayın təşkilatçıları bildiriblər ki, forum türk dünyasının 30-dan çox xalqının nümayəndələrini bir araya gətirəcək. Rusiya və Türkiyə prezidentlərinin görüşündən sonra iki ölkənin yaxınlaşması, Türkiyədə 15 iyul dövlət çevrilişi cəhdi və bu hadisəyə TXK-nın baxışı kimi siyasi məsələlər, eləcə də türk xalqlarının yaşadığı ərazilərdə mövcud vəziyyətlə bağlı müzakirələr aparılacaq.

TXK-nın qurultayında Konqresin prezidenti Marlis Uulu Edil, Qaqauz Yeri Muxtar Ərazi Qurumunun başqanı İrina Vlax, muxtariyyətin Xalq Məclisinin sədri Dmitri Konstantinov, habelə Kopçak primarı (meri), Konqresin vitse-prezidenti Oleq Qarizan çıxış edəcəklər.

Zeynal Ağazadə

AZƏRTAC-ın xüsusi müxbiri

Kişineu

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.