RƏSMİ SƏNƏDLƏR


Türkdilli Dövlətlərin Əməkdaşlıq Şurasının baş katibi Ramil Həsənovdan

Azərbaycan Respublikasının Prezidenti Zati-aliləri cənab İlham Əliyevə

Zati-aliləri cənab Prezident.

24 dekabr - doğum gününüz münasibətilə Sizi səmimi qəlbdən təbrik edir, Zati-alinizə səmimi arzu və diləklərimi çatdırıram.

Uğurlu siyasətiniz nəticəsində Azərbaycan regionun ən inkişaf etmiş ölkəsinə çevrilib və dünyada öz sözünü deyən bir dövlət kimi qəbul olunur.

Türk Şurasına Sizin daimi dəstəyinizi məmnuniyyətlə qeyd edir və Türk dünyasının birliyi, bərabərliyi və möhkəmləndirilməsinə verdiyiniz böyük töhfənin danılmaz olduğunu bildirirəm.

Zati-aliləri, bu xoş fürsətdən istifadə edərək, Sizə və ailənizə möhkəm cansağlığı, xoşbəxtlik arzu edir və şərəfli işinizdə uğurlar diləyirəm.

 

Dərin hörmətlə,

Ramil Həsənov

Türkdilli Dövlətlərin Əməkdaşlıq Şurasının baş katibi

© Materiallardan istifadə edərkən hiperlinklə istinad olunmalıdır