DÜNYA


Türkiyə İraq Kürdüstan Regional Rəhbərliyinin referendum qərarını zərərli hesab edir

İstanbul, 9 iyun, АZƏRTAC

Türkiyə tərəfi İraq Kürdüstan Regional Rəhbərliyinin (İKRR) müstəqillik haqqında cari il sentyabrın 25-də referendum keçirmək barədə qərarını məqbul hesab etmir. Bu qərar İraq hökuməti və İKRR-in xeyrinə olmayacaq.

Türkiyə Xarici İşlər Nazirliyi bildirir ki, Kərkük valisinin təşəbbüsü ilə Kərkük Vilayət Məclisinin İraq Kürdüstan Regional Rəhbərliyinin bayrağı altında fəaliyyət göstərmək barədə qərarına qarşı olduğumuzu ifadə etmişik. Bu qərar Kərkük vilayətinin statusu barədə məkrli məqsəd daşıyır.

Nəzərdə tutulan referendumun terrorçuluqla mübarizəyə, bölgədə sülh və sabitliyinin bərpa olunmasına qarşı zərər gətirən elementlərini sadalayan Türkiyə XİN hesab edir ki, İraqın bütövlüyünə xələl gətirmək əvəzinə, bu ölkənin ərazi bütövlüyünü, birlik və bərabərliyini gücləndirmək lazımdır. Bunun üçün prosesləri ölkədəki bütün qüvvələrin iştirakı ilə qarşılıqlı anlaşma və dialoq şəklidə yönəltməyə ehtiyac var.

Sabir Şahtaxtı

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.