İDMAN


Türkiyə KİV-ləri: “Bakı-2017”nin peşəkarlıqla təşkili Azərbaycanın növbəti uğurudur

İstanbul, 13 may, АZƏRTAC

Türkiyənin aparıcı kütləvi informasiya vasitələri “Bakı-2017” İslam Həmrəyliyi Oyunları barədə geniş məlumatlar yayır.

Məlumatlarda Azərbaycanın Birinci vitse-prezidenti, “Bakı-2017” İslam Həmrəyliyi Oyunları Təşkilat Komitəsinin sədri Mehriban Əliyevanın və İslam Əməkdaşlıq Təşkilatının baş katibi Yusif Əl-Osayminin Oyunların açılış mərasimindəki çıxışlarında səslənən mühüm çağırışlara müraciət olunub.

Bundan başqa, yazılarda peşəkar təşkilatçılıq işlərindən, idmançılara və azarkeşlərə göstərilən qonaqpərvərlikdən bəhs olunur.

Anadolu Agentliyi mayın 11-12-də mövzu ilə bağlı 20-dən artıq operativ məlumat yayıb. IV İslam Həmrəyliyi Oyunları mövzusu agentliyin Türk Dünyası Xəbərləri blokunda əsas və davamlı informasiya mənbəyi olaraq qorunmaqdadır.

Qardaş ölkə mediası “Bakı-2017” İslam Həmrəyliyi Oyunlarının peşəkarlıqla təşkilini Azərbaycanın növbəti uğuru kimi dəyərləndirir.

Sabir Şahtaxtı

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.