DÜNYA


Türkiyə ilə münasibətlərin yaxşılaşmasını dəstəkləyən rusiyalıların sayı artıb

Moskva, 15 may, AZƏRTAC

Rusiya əhalisinin üçdə biri hesab edir ki, Türkiyə ilə münasibətlər getdikcə yaxşılaşır. Bu, Ümumrusiya İctimai Rəyin Öyrənilməsi Mərkəzinin apardığı sorğunun nəticələrindən məlum olub.

Rəyi soruşulanların 49 faizinin fikrincə, Rusiya Türkiyə ilə əməkdaşlığı inkişaf etdirməlidir. 2016-cı ildə bu sorğu iştirakçılarının yalnız 19 faizi bu fikirdə idi. Türkiyənin siyasi proseslərdən uzaqlaşdırılması və bu ölkə ilə iqtisadi əməkdaşlığın məhdudlaşdırılmasına tərəfdar olan rusiyalıların sayı ötən illə müqayisədə 12 faiz azalıb. Eyni zamanda, ölkəsinin Türkiyənin yürütdüyü siyasətə qarşı çıxmasını, lakin iqtisadi-sosial əməkdaşlığı inkişaf etdirməsini düzgün sayan respondentlərin sayı ötən illə müqayisədə 33 faizdən 26 faizə enib.

Bu il aprelin 27-28-də keçirilən sorğuda 1200 respondent iştirak edib.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.