DÜNYA


Türkiyə parlamenti Qətər ilə iki müqavilə layihəsini təsdiq edib

Bakı, 7 iyun, AZƏRTAC 

Türkiyə Böyük Millət Məclisi iyunun 7-də bu ölkənin hərbi kontingentinin Qətərdə yerləşdirilməsi və jandarma qüvvələri üçün təlimlərin təşkili ilə bağlı əməkdaşlığa dair iki müqavilənin layihəsini təsdiq edib.

AZƏRTAC Anadolu Agentliyinə istinadla xəbər verir ki, birinci qanun layihəsinə əsasən, Qətərin silahlı qüvvələrinin modernləşdirilməsi, müdafiə imkanlarının artırılması məqsədilə hərbi təlimlərin keçirilməsi üçün Türkiyə hərbi kontingentinin bu ölkədə yerləşdirilməsi məsələləri nəzərdə tutulur.

Digər qanun layihəsində isə iki ölkənin hərbi strukturları arasında qarşılıqlı səfərlərin, tədris və təlim proqramlarının təşkili, daxili sabitliyin təmin olunmasına, qaçaqmalçılığa, mütəşəkkil cinayətkarlığa qarşı mübarizəyə dair təlimlərin, müxtəlif kursların keçirilməsi, tədris prosesi zamanı hərbi ləvazimatlarla təminat, texniki-logistik məsələlərdə informasiya və təcrübə mübadiləsi məsələləri əksini tapıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.