DÜNYA


Türkiyədə dükana daxil olan bağlamalardan yayılan qoxu kütləvi zəhərlənməyə səbəb olub

İstanbul, 16 iyun, АZƏRTAC

Türkiyənin Muğla bölgəsindəki Menteşe rayonunda yerləşən geyim dükanına daxil olan bağlamaların açılması ilə yayılan qoxu orada çalışan işçilərin zəhərlənməsinə səbəb olub.

Hadisə yerinə təcili tibbi yardım və digər xilasedicilər gəliblər. Dükanda işləyən səkkiz nəfər kəskin zəhərlənmə diaqnozu ilə xəstəxanalara çatdırılıb. Onlar üçün həyati təhlükənin olmadığı bildirilir.

Zəhərlənməyə səbəb olan bağlamalar xüsusi formada qablaşdırılaraq kimyəvi, bioloji və radioaktiv müayinə üçün İzmir şəhərinə göndərilib.

Sabir Şahtaxtı

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.