DÜNYA


Türkiyədə əsgərlərin qidadan zəhərlənməsinə görə ciddi araşdırma başlanıb

İstanbul, 18 iyun, АZƏRTAC

Türkiyənin Manisa bölgəsində yerləşən hərbi hissələrin birində əsgərlər arasında kütləvi zəhərlənmə qeydə alınıb.

Rəsmi məlumata görə, iyunun 17-də axşam yeməyindən qidalanan 5 min 470 əsgərdən 590-ı zəhərlənmə diaqnozu ilə xəstəxanalara çatdırılıb. Hazırda həyati təhlükə olmadığı bildirilən 40 əsgər xəstəxanadadır. Hadisə ilə bağlı ciddi araşdırma başlanıb.

Zəhərlənməyə səbəb olan qidanı tədarük edən şirkətdə 18 nəfər həbs olunub.

Türkiyənin milli müdafiə naziri Fikri İşıq xəstəxanalarda müayinə və müalicə olunan əsgərlərə baş çəkib.

Sabir Şahtaxtı

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.