DÜNYA


Türkiyədə təhsil sistemində çalışan 15 min 200 nəfər işdən çıxarılıb

A+ A

Bakı, 19 iyul, AZƏRTAC 

Türkiyədə iyulun 15-də baş verən dövlət çevrilişinə cəhdin təşkilində ittiham olunan FETÖ terror təşkilatı ilə əlaqəsi olan şəxslərin cinayət məsuliyyətinə cəlb olunması, dövlət qurumlarının həmin şəbəkənin üzvlərindən təmizlənməsi istiqamətində görülən işlər qətiyyətlə davam etdirilir.

AZƏRTAC Anadolu Agentliyinə istinadla xəbər verir ki, qiyamdan sonra işdən azad edilmələr və həbslər ölkənin təhsil sistemində də aparılır. Hazırda Türkiyənin Milli Təhsil Nazirliyində genişmiqyaslı təhqiqat aparılır. Təhqiqat çərçivəsində 15 min 200 nəfər vəzifəsindən azad edilib. Bu barədə nazirliyin açıqlamasında qeyd olunub: “Bu gündən etibarən nazirliyimizin mərkəzi və əyalət təşkilatlarında çalışan 15 min 200 nəfər işdən azad edilib. Həmin şəxslər barəsində istintaq aparılır”.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.