REGİONLAR


Türkiyənin “Metro Turizm Səyahət Təşkilatı” şirkəti muxtar respublikada fəaliyyətə başlayıb VİDEO

A+ A

Naxçıvan, 17 oktyabr, AZƏRTAC

Türkiyənin ən böyük turizm şirkəti olan “Metro Turizm Səyahət Təşkilatı” şirkəti muxtar respublikada fəaliyyətə başlayıb.

AZƏRTAC xəbər verir ki, sərnişindaşımada müasir avtobuslardan istifadə edən şirkət gündə 7 dəfə qonşu Türkiyənin müxtəlif şəhərlərinə və əks istiqamətdə reyslər təşkil edəcək.

Naxçıvan Muxtar Respublikası Nəqliyyat Nazirliyinin “Metro Turizm Səyahət Təşkilatı” şirkəti ilə razılaşmasına əsasən, gündə bir avtobus da Gürcüstanın Acarıstan Muxtar Respublikasının Batumi şəhərinə yola düşəcək.

Naxçıvan avtovağzalından hərəkət edəcək avtobuslar üçün yerlər ayrılıb. Həmçinin burada şirkətin ofisi açılıb, bilet satışı təşkil edilib.

Qeyd edək ki, muxtar respublikada Türkiyəyə məxsus digər bir şirkət olan “İğdırlı Turizm” firması da qonşu ölkəyə və əks istiqamətdə sərnişindaşıma xidməti həyata keçirir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.