CƏMİYYƏT


Türkiyənin diplomatik jurnalı Ermənistan hərbçilərinin qətlə yetirdikləri balaca Zəhradan yazır

Bakı, 9 avqust, AZƏRTAC

Türkiyə Azərbaycan Dərnəyinin sədr müavini Gəncəxan Babişin Ermənistan silahlıları tərəfindən öldürülən balaca Zəhra, həmçinin ermənilərin cəbhə xəttindəki son təxribatları barədə məqaləsi Türkiyədə türk və ingilis dillərində yayımlanıb.

Diaspora İş üzrə Dövlət Komitəsinin mətbuat xidmətindən AZƏRTAC-a verilən məlumata görə, G.Babiş məqaləsində erməni terroruna məruz qalan azərbaycanlı uşaqlardan bəhs edib. “Xocalıdan Füzuliyə erməni terrorunun son uşaq qurbanı: Zəhra” başlıqlı məqalə “Diplomatik Gözlem” və “Diplomatic Observer” jurnallarının avqust nömrəsində dərc olunub.

G.Babiş yazısında Zəhranın Ermənistan hərbçiləri tərəfindən qətlə yetirilən ilk azərbaycanlı uşaq olmadığını vurğulayaraq, Xocalıdakı erməni vəhşiliyinin Füzulidə davam etdirildiyini bildirib. “2011-ci ildə ermənilər tərəfindən Tovuz çayına buraxılan içi partlayıcılarla dolu oyuncağı Əlibəyli kəndindən 13 yaşlı Aygün Şahmalıyevanın götürməsi və bu oyuncağın partlaması nəticəsində uşağın ölməsi və anasının yaralanması unudulmayıb. Daha sonra həmin ildə Ağdamda 9 yaşlı Fariz Bədəlov erməni snayper tərəfindən vurularaq öldürülüb. Bundan başqa, ermənilər tərəfindən 1992-ci il fevralın 25-dən 26-na keçən gecə beşikdəki körpələrin qətl edildiyi Xocalı soyqırımından 25 il sonra yenə 2 yaşlı məsum körpə bu dəfə Füzulidə erməni vandalizminin qurbanı olub. Göründüyü kimi, Xocalıdakı vəhşiliklər hələ də davam edir”, - deyə müəllif qeyd edib.

G.Babiş 2016-cı ilin aprel döyüşləri zamanı Azərbaycanın böyük uğur qazandığını və Ermənistanın xaricdən asılı vəziyyətdə olduğunu oxucuların diqqətinə çatdırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.