DÜNYA


Türkmənistan: “sosial cənnətin” sonu

Bakı, 7 iyun, AZƏRTAC

Türkmənistan Prezidenti Qurbanqulu Berdıməhəmmədov respublika sakinləri üçün hazırda qüvvədə olan sosial imtiyazlar sistemini effektsiz sayıb və onu aradan qaldırmağı təklif edib.

AZƏRTAC Interfax informasiya agentliyinə istinadla xəbər verir ki, prezident müvafiq bəyanatı hökumətin iclasında səsləndirib.

“Hazırda imtiyazlar sisteminin effektini tamamilə itirməsi faktı aşkar şəkildə görünür. Biz artıq bu barədə dəfələrlə söz açmışıq. Buna görə də vitse-prezident Başımmırat Xocaməmmədov yaxın zamanlarda bütün imtiyazların ləğvi, yəni onların hər kəsə deyil, yalnız həqiqətən də sosial yardıma ehtiyacı olanlara verilməsi barədə təkliflərinizi hazırlamağı tapşırıb”, - Türkmənistan Dövlət İnformasiya Agentliyi dövlət başçısının bu sözlərini sitat gətirib.

Türkmənistanın ilk prezidenti Saparmurad Niyazov 1993-cü ildə vətəndaşlar üçün sosial imtiyazlar tətbiq edib. Bu imtiyazlara əsasən ölkə əhalisi o vaxtdan bəri su, qaz və elektrik enerjisini pulsuz əldə edirdi.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.