İDMAN


Türkmənistanın kişilərdən ibarət voleybol komandası “Bakı-2017” Oyunlarının finalına çıxmağı planlaşdırır

Bakı, 11 may, Pərvanə Rəhimova, AZƏRTAC

Bu matç bizim üçün çətin oldu, çünki birinci idi. Birinci görüş isə həmişə çox çətin olur. Xüsusən də belə böyük arenada. Təbii ki, biz çox həyəcanlı idik. Komandamız mümkün qədər yaxşı oynamağa və Türkiyə yığmasına qalib gəlməyə çalışdı, amma texniki xətalara yol verdiyimizə görə bu dəfə uduzduq. Türkiyə komandası çox güclüdür və yüksək səviyyədə hazırlaşıb.

Bu sözləri AZƏRTAC-a müsahibəsində “Bakı-2017” IV İslam Həmrəyliyi Oyunlarının iştirakçısı, Türkmənistan yığmasının voleybolçusu Arslanbəy İsgəndərov söyləyib.

Hər bir komandanın meydana udmaq üçün çıxdığını vurğulayan türkmənistanlı voleybolçu deyib: “Məqsədimiz sonrakı oyunlarda yaxşı oyun nümayiş etdirmək və qrupda ikinci yeri tutmaqdır”.

A.İsgəndərov qeyd edib ki, Bakıya ilk dəfədir gəlir və paytaxtımızın gözəlliyi onu valeh edib. O deyib: “Bakıda çoxlu sayda həm tarixi, həm də müasir arxitektura binaları var. IV İslam Həmrəyliyi Oyunları çox yüksək səviyyədə təşkil edilib. Dadlı Azərbaycan mətbəxini xüsusi vurğulamaq istəyirəm”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.