İDMAN


UEFA Avropa Liqasının 1/16 final mərhələsinin püşkatma səbətləri müəyyənləşib

Bakı, 9 dekabr, AZƏRTAC

Futbol üzrə UEFA Avropa Liqasında 1/16 final mərhələsinin püşkatma səbətləri müəyyənləşib.

AZƏRTAC qurumun rəsmi saytına istinadla xəbər verir ki, Avropanın ikinci mötəbər klub yarışının qrup mərhələsində ilk iki yerin sahibi olan 24 komanda, həmçinin Çempionlar Liqasından Avroliqaya qrup üçüncüsü kimi adlayan 8 klub püşkatma zamanı 2 səbətdə yer alacaq.

Qrup qalibləri səpələnmiş, ikincilər isə səpələnməmişlər kimi bölünüblər. Digər 8 klub arasında isə reytinqinə görə bölgü aparılıb.

Türkiyə klublarının hər üçü səpələnmişlər sırasında yer alıb. “Beşiktaş” reytinqinə görə güclülər səbətinə düşsə də, “Fənərbağça” və “Osmanlıspor” tutduğu yerə əsasən bu sıraya daxil edilib. “Sarı bülbüllər” Avropa Liqasında “A” qrupunun birincisi, paytaxt təmsilçisi “L” qrupunun qalibi, “qara qartallar” isə Çempionlar Liqasında qrup üçüncüsü kimi bu mərhələyə yüksəliblər.

Avropa Liqasında 1/16 final mərhələsinin püşkatma səbətləri aşağıdakı kimidir:

Səpələnmişlər: “Kopenhagen” (Danimarka), “Lion” (Fransa), “Tottenhem” (İngiltərə), “Beşiktaş” (Türkiyə), “Ayaks” (Hollandiya),“Fənərbağça” (Türkiyə), “Fiorentina” (İtaliya), “Osmanlıspor” (Türkiyə), “Roma” (İtaliya), “Sent-Etyen” (Fransa), “Sparta” (Çexiya), “Şaxtyor” (Ukrayna), “Şalke” (Almaniya), “Zenit” (Rusiya), APOEL (Kipr), “Genk” (Belçika).

Səpələnməmişlər: “Rostov” (Rusiya), “Legiya” (Polşa), “Borussiya Münxenqladbax” (Almaniya), “Ludoqorets” (Bolqarıstan), “AZ Alkmaar” (Hollandiya), “Anderlext” (Belçika), “Astra” (Rumıniya), “Gent” (Belçika), “Hapoel Beyer-Şeva” (İsrail), “Krasnodar” (Rusiya), “Mançester Yunayted” (İngiltərə), “Olimpiakos” (Yunanıstan), “Selta” (İspaniya), “Vilyarreal” (İspaniya), PAOK (Yunanıstan), “Atletik” (İspaniya).

Turnirin 1/16 final mərhələsinin oyunları gələn il fevralın 16-da və 23-də təşkil olunacaq. Püşkatma mərasimi dekabrın 12-də keçiriləcək.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.