İDMAN


UEFA Çempionlar Liqası: Qrup mərhələsində V tura yekun vurulacaq

A+ A

Bakı, 23 noyabr, AZƏRTAC

Noyabrın 23-də UEFA Çempionlar Liqasının qrup mərhələsində V tura yekun vurulacaq.

AZƏRTAC xəbər verir ki, “A”, “B”, “C” və “D” qruplarında növbəti 8 matç keçiriləcək.

“A” qrupunda “Arsenal” (İngiltərə) və PSJ (Fransa) klubları artıq növbəti mərhələni təmin etdiyi üçün bu oyun yalnız qrup birincisinin kimliyi baxımından önəm daşıyacaq. Paralel qarşılaşmada isə Avropa Liqasına yollanacaq komandanın kimliyinə aydınlıq gələcək. “Ludoqorets” (Bolqarıstan) “Bazel” (İsveçrə) ilə üçüncülük uğrunda mübarizə aparacaq.

“B” qrupunda “Beşiktaş” (Türkiyə) “Benfika” (Portuqaliya) ilə üz-üzə gələcək. Türkiyə klubu evdə qalibiyyət sayəsində onaltıdabir final şansını artırmış olacaq. Eyni qrupda “Napoli” (İtaliya) “Dinamo”nu (Kiyev, Ukrayna) sınağa çəkəcək. İtaliya təmsilçisi 3 xal qazanarsa, birinci pilləyə yüksələcək.

“C” qrupunun sonuncusu “Seltik” (Şotlandiya) artıq mərhələ adlayan “Barselona” (İspaniya) ilə qarşılaşacaq. Digər görüşdə isə “Borussiya” (Mönhenqladbax, Almaniya) “Mançester Siti”ni (İngiltərə) qəbul edəcək. Bu oyunda qonaq komanda 1 xal sayəsində növbəti mərhələni rəsmiləşdirə bilər.

“D” qrupunda onaltıdabir final mərhələsinə vəsiqəni təmin etmiş “Atletiko” (Madrid) və “Bavariya” (Münxen) qrup sonuncuları olan PSV (Hollandiya) və “Rostov” (Rusiya) komandalarını sınağa çəkəcəklər.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.