İDMAN


UEFA Çempionlar Liqasında pley-off mərhələsinə yüksələn 5 komanda müəyyənləşib

A+ A

Bakı, 3 avqust, AZƏRTAC

UEFA Çempionlar Liqasında üçüncü təsnifat mərhələsinin ilk cavab görüşləri oynanılıb.

AZƏRTAC xəbər verir ki, ilk oyun günündə 5 qarşılaşma keçirilib.

“Dandalk” (İrlandiya) gözlənilmədən BATE-yə (Belarus) (3:0; 0:1 ) şok yaşadıb. APOEL də pley-offa eyni hesablı (3:0; 0:1) qələbə ilə yüksəlib. Kipr təmsilçisi Norveç “Rusenborq”una qolların hamısını uzatma dəqiqələrində vurub. Bolqarıstanın “Ludoqorets” komandası isə Serbiyada “Srvena Zvezda”nı əlavə vaxtda vurduğu 2 qolla (2:4; 2:2) keçib.

Zaqreb “Dinamo”su hər iki matçda Tbilisi “Dinamo”su (1:0; 0:2) üzərində qələbə qazanmaqla mərhələ adlayıb.

“Qarabağ” kimi Çempionlar Liqası ilə vidalaşan digər dörd komanda mübarizəni Avropa Liqasında davam etdirəcək. Tbilisi “Dinamo”su, BATE, “Rusenborq”, “Srvena Zvezda” qitənin ikinci dərəcəli klub turnirindəki təmsilçimizin potensial rəqibləri olub.

Qeyd edək ki, Çempionlar Liqasının üçüncü təsnifat mərhələsinin digər qarşılaşmaları bu gün keçiriləcək.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.