SİYASƏT


UNESCO-da Dünya Xəbər Agentliklərinin V Konqresində müzakirə olunacaq mövzuların əhəmiyyətindən danışılıb

A+ A

Paris, 8 noyabr, AZƏRTAC

Noyabrın 8-də Azərbaycan Respublikasının UNESCO yanında daimi nümayəndəliyinin rəhbəri səfir Anar Kərimov qurumun baş direktorunun müavini Qetaçyu Enqida ilə görüşüb.

Görüşdə Heydər Əliyev Fondunun və AZƏRTAC-ın birgə təşkilatçılığı ilə keçiriləcək Dünya Xəbər Agentliklərinin V Konqresi barədə fikir mübadiləsi aparılıb. AZƏRTAC-ın 2016-2019-cu illərdə bu beynəlxalq quruma rəhbərlik edəcəyi bildirilib. Söhbət zamanı V Konqresdə müzakirə olunacaq mövzuların əhəmiyyətindən danışılıb və UNESCO-nun nümayəndəsinin tədbirdə iştirakının önəmi qeyd edilib.

Diqqətə çatdırılıb ki, UNESCO-nun baş direktoru İrina Bokova Konqres iştirakçılarına videomüraciət ünvanlayacaq. Səfir Anar Kərimov buna görə UNESCO-nun baş direktoruna minnətdarlığını bildirib.

Qetaçyu Enqida Dünya Xəbər Agentliklərinin V Konqresinə dəvətə görə təşəkkür edib, bu tədbirdə böyük məmnuniyyətlə iştirak edəcəyini vurğulayıb.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.