SİYASƏT


UNESCO-nun baş direktoru vəzifəsinə namizəd Polad Bülbüloğlu Almaniyada olub

Berlin, 23 iyun, AZƏRTAC 

Azərbaycan Hökuməti tərəfindən namizədliyi BMT-nin Təhsil, Elm və Mədəniyyət Təşkilatının (UNESCO) baş direktoru vəzifəsinə irəli sürülmüş Polad Bülbüloğlu Almaniyada səfərdə olub.

Almaniyadakı səfirliyimiz tərəfindən təşkil olunan səfərin məqsədi namizədimizin UNESCO ilə bağlı proqramını bu ölkədə tanıtmasından ibarətdir.

Səfər çərçivəsində Polad Bülbüloğlu Almaniyanın Federal Xarici İşlər Nazirliyində UNESCO üzrə məsul olan dövlət naziri Maria Bömer, eləcə də xarici elm, təhsil, tədqiqat və mədəniyyət siyasəti üzrə xüsusi nümayəndə Haydrun Tempel, Bundestaqın deputatları, Almaniya-Cənubi Qafqaz parlament qrupunun sədri Karin Ştrents və onun müavini Yohannes Kars, Federal Kansler Administrasiyasında Orta, Cənub-Şərqi və Şərqi Avropa, o cümlədən Cənubi Qafqaz və Mərkəzi Asiya üzrə şöbənin müdiri Knut Abraham və Qlobal Məsələlər, BMT və İnkişaf Siyasəti şöbəsinin müdiri Matias Lixartsla görüşlər keçirib.

Görüşlər zamanı Polad Bülbüloğlu UNESCO-nun gələcək fəaliyyətinə dair baxışları haqqında qarşı tərəfə məlumat verib, baş direktor seçiləcəyi təqdirdə prioritet və təkliflərini sadalayıb.

Eyni zamanda, Almaniya tərəfinin UNESCO məsələlərinə dair yanaşması barədə fikir mübadiləsi aparılıb.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.