Bakı, 9 sentyabr, AZƏRTAC

Sentyabrın 9-da şəhər üzrə avtomobil sifarişi üçün mobil tətbiq hazırlayan “Uber” beynəlxalq texnologiya şirkəti Bakıda yüksək komfortlu avtomobillərlə gedişi təmin edəcək “UberSELECT” servisini istifadəyə verib.

Şirkətdən AZƏRTAC-a bildirilib ki, yeni məhsul münasib qiymətə geniş və rahat avtomobilləri, həmçinin yüksək səviyyəli xidməti üstün tutan istifadəçilərə yönəldilib.

Bakıda “UberSELECT”lə gediş haqqı avtomobilin sifariş olunan məkana çatdırılması üçün 0,80 AZN, hər dəqiqə üçün 0,03 AZN, hər kilometr üçün 0,40 AZN məbləğində hesablanacaq. Yüksək komfortlu avtomobildə şəhər daxilində minimal gediş haqqı 2,5 AZN təşkil edəcək. Bakı istifadəçiləri üçün “UberSELECT” avtomobilləri sırasında “Kia Optima”, “Hyundai ix35”, “Toyota Camry”, “Ford Mondeo”, “Mazda 6”, “Skoda Octavia” və bu kimi digər modellər yer alır.

“Bakı şəhər sakinlərin tələbatına maksimal şəkildə uyğunlaşdırılmış xidmətə malik olan “Uber” üçün xüsusi şəhərdir. Bu ilin əvvəlindən etibarən əsas xidmətimiz olan “uberX”in qiymətini əhəmiyyətli dərəcədə endirdik və hazırda Bakıda şəhər daxilində avtomobil ilə hərəkət etmək üçün bundan münasib vasitə yoxdur. Bu ilin iyulunda əlavə olaraq nağd ödəniş opsiyasını da təqdim etdik ki, servisdən daha geniş kütlə istifadə edə bilsin. Bu gün isə istifadəçilərimiz üçün münasib qiymətə olan tam yeni səviyyədə xidmət təklif edəcək əlavə servisi istifadəyə verdik”, - deyə MDB regionunda “Uber”in baş meneceri Aleksey Stax qeyd edib.

Yeni məhsulun Bakıda istifadəyə verilməsi münasibəti ilə “Uber” öz istifadəçilərinə bir sıra güzəştlər təqdim edir. Belə ki, noyabrın 15-dək “BAKUSELECT” promokodundan istifadə etdikdə istifadəçilər “UberSELECT”də 10 gediş üçün 20 faiz güzəşt əldə edəcəklər. Hər gediş zamanı güzəştin maksimal məbləği 1,5 AZN təşkil edəcək.

Qeyd edək ki, “Uber” şirkəti Bakıda fəaliyyətə 2015-ci ilin aprel ayında başlayıb. Tariflər barədə ətraflı məlumatı https://www.uber.com/cities/baku/  linkindən əldə etmə mümkündür.