REGİONLAR


Ucar: qısa vaxtda 1800 hektar arpa zəmisi biçilib

Ucar, 8 iyun, AZƏRTAC 

Ucar taxılçıları mühüm strateji məhsulun tez və itkisiz yığılması üçün bütün qüvvələrini səfərbər ediblər.

Rayon Kənd Təsərrüfatı İdarəsindən AZƏRTAC-a bildirilib ki, biçin kampaniyasına 45 kombayn cəlb olunub. Onlardan 15-i taxılın daha gec yetişdiyi dağlıq bölgələrdən gətirilib. Qısa vaxtda 1800 hektar arpa zəmisi biçilib. Hər hektardan orta məhsuldarlıq 20,5 sentnerdir. Lakin məhsuldarlığın artacağı gözlənilir. Bir sıra ərazilərdə, o cümlədən Yuxarı Şilyan, Bərgüşad, Şahlıq və sair yerlərdə hər hektardan 25-26 sentner arpa götürülür.

Qeyd edək ki, cari mövsümdə Ucarda 11 min 986 hektarda taxıl yetişdirilib. Zəmilərin 7180 hektarı buğda, qalanı isə arpadır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.