DÜNYA


Uçan avtomobilə 1,3 milyon dollar qiymət qoyulub

Bakı, 21 aprel, AZƏRTAC

Uçan avtomobil “Aeromobil”in satış qiyməti açıqlanıb.

AZƏRTAC CNN-ə istinadla xəbər verir ki, Slovakiyada formalaşdırılan avtomobil artıq satışa çıxarılıb. Monakoda rəsmi təqdimatı keçirilən uçan avtomobilin qiyməti 1,3 milyon dollar müəyyənləşib. Onun əsas üstünlüyü həm quruda, həm də havada gedə bilməsidir.

Bundan əlavə, müasir dizayna malik olan “Aeromobil”in sürəti quruda saatda maksimum 160 kilometr, havada isə 200 kilometrdir. Kütləsi 450 kiloqram olan idman görünüşlü avtomobil iki nəfərlikdir. Həmçinin uçan avtomobilin iki paraşütü var. Bu, avtomobil havada olarkən yarana biləcək hər hansı problemin qarşısını almağa hesablanıb.

Slovakiyada yerləşən şirkət 20 ildən çoxdur ki, “Aeromobil”in istehsalı üzərində çalışır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.