DÜNYA


Uçan mehmanxana otaqları

Bakı, 29 iyun, AZƏRTAC 

“Hyperloop” vakuum qatarlar şəbəkəsi hələ yaradılmasa da, onun virtual infrastrukturu artıq hazırdır.

Amerikalı memar və dizayner Brendan Zibreht vakuum mehmanxana layihəsini təqdim edib. Belə ki, vakuum mehmanxana otağında yaşamaq, səyahət etmək və yük daşımaq mümkün olacaq.

AZƏRTAC popmech.ru saytına istinadla xəbər verir ki, şəbəkə ABŞ-ın sistemə qoşulmuş müxtəlif şəhərlərində 13 məntəqəni bir-biri ilə əlaqələndirəcək. Hər bir otaq rahat yük konteynerindən ibarət olacaq. Layihə insanlara sözün əsl mənasında mehmanxana otağını özü ilə götürüb bir neçə şəhəri ziyarət etməyə imkan verəcək.

Hər bir otel kapsul-vaqonu istehsalçılara 10 milyon, bütün mehmanxana isə 130 milyon dollara başa gələcək. Texnologiyanın reallaşdırılmasına 5-10 il vaxtın sərf olunacağı güman edilir.

Qeyd edək ki, “Hyperloop One” vakuum qatarı üçün ilk trek İlon Maskın “Tesla” şirkətitərəfindən Las-Veqasda tikilib. Şirkətin mütəxəssisləri qatarların “Hyperloop” tunellərində maksimal sürətinin 1200 kilometr saata çatacağını bildiriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.