İQTİSADİYYAT


Üçüncü rübdə “Bank Respublika”nın aktivləri 17 faiz artıb

A+ A

Bakı, 12 noyabr, AZƏRTAC

“Bank Respublika” üçüncü rüb üzrə maliyyə göstəricilərini açıqlayıb.

Bankdan AZƏRTAC-a bildiriblər ki, oktyabrın 1-nə “Bank Respublika”nın aktivləri 913 milyon manata çatıb. Bu, 2015-ci ilin eyni dövrü ilə müqayisədə 17 faiz çoxdur.

Hesabat dövrünün sonuna “Bank Respublika”nın kredit portfeli 251 milyon manat təşkil edib. Ümumi kredit portfelində vaxtı keçmiş kreditlərin payı ötən ilin eyni dövrünə nisbətən 2 faiz azalmaqla 9.3 faizdən aşağı enib.

Bankın gəlirləri 34 milyon manat, xərcləri 19 milyon manat olub. Hesabat dövrü ərzində aktivlər üzrə 50 milyon manat əlavə ehtiyatlar yaradılıb. Bankın depozit portfeli 229 milyon manat təşkil edərək, cari ilin birinci rübü ilə müqayisədə 11.4 faiz artıb.

Sentyabr ayında bankın nizamnamə kapitalı 20 milyon manat məbləğində artırılıb.

Əsasən kart məhsulları ilə seçilən “Bank Respublika” bu dövrdə aktiv kartların sayını 95 minə çatdırıb və bu kartlar vasitəsilə aparılan əməliyyatların məbləği ötən ilin eyni dövrü ilə müqayisədə 20 faiz daha çoxdur. Doqquz ayda bankın yeni müştərilərinin sayı 1.54 dəfə artıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.