ELM VƏ TEXNOLOGİYA


Ukrayna Azərbaycan ilə seysmologiya sahəsində əməkdaşlıqda maraqlıdır

A+ A

Bakı, 24 noyabr, AZƏRTAC

Azərbaycan Milli Elmlər Akademiyasının (AMEA) nəzdində Respublika Seysmoloji Xidmət Mərkəzində (RSXM) T.Şevçenko adına Kiyev Milli Universitetinin Geologiya Elmi-Tədqiqat İnstitutunun direktoru, geologiya-mineralogiya elmləri doktoru Vladimir Mixaylov ilə görüş keçirilib.

RSXM-dən AZƏRTAC-a bildiriblər ki, görüşdə mərkəzin baş direktoru, AMEA-nın müxbir üzvü Qurban Yetirmişli rəhbərlik etdiyi qurumun fəaliyyəti barədə qonağa ətraflı məlumat verib.

Söhbət zamanı tərəflər birgə elmi tədqiqatların aparılması imkanları, təcrübə mübadiləsi istiqamətində müzakirələr aparıblar.

Görüşdə, həmçinin RSXM-in zəlzələlərin tədqiqatı bürosu rəisinin müavini R.Kərimova mərkəzdə aparılan tədqiqat işləri, zəlzələlərə dair məlumatların emalında yeni proqramların tətbiqi, əldə olunan nəticələr barədə təqdimatla çıxış edib.

RSXM-də görülən işləri yüksək dəyərləndirən qonaq diqqətə çatdırıb ki, Ukrayna Azərbaycan ilə seysmologiya sahəsində əməkdaşlıqda maraqlıdır.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.