DÜNYA


Ukrayna ilə Türkiyə arasında əmtəə dövriyyəsi genişlənir

A+ A

Kiyev, 10 oktyabr, AZƏRTAC

Ukrayna ilə Türkiyə arasında əmtəə dövriyyəsi genişlənərək, 2016-cı ilin əvvəlindən 2 milyard dolları ötüb. AZƏRTAC Ukraynanın “Ekonomiçeskaya pravda” nəşrinə istinadla xəbər verir ki, bunu Ukrayna Dövlət Fiskal Xidmətinin sədri, həmvətənimiz Roman Nəsirov Türkiyənin Gömrük və Ticarət Nazirliyinin nümayəndə heyəti ilə görüşündə bəyan edib.

O deyib: “Bu, Türkiyə gömrüyünün belə sanballı nümayəndə heyətinin son beş ildə ilk səfəridir. Ukrayna ilə Türkiyə arasında əmtəə dövriyyəsi artaraq, 2016-cı ilin əvvəlindən 2 milyard dolları (1,4 milyard dollar ixracın, 667 milyon dollar idxalın payına düşür) ötüb.

R.Nəsirovun sözlərinə görə, belə böyük əmtəə dövriyyəsi olan ölkələr gömrük sahəsində də fəal əməkdaşlıq etməlidirlər.

Ukrayna Fiskal Xidmətinin başçısı deyib: “Ümumi məqsədimiz keyfiyyətli xidmətlər göstərmək və gömrük prosedurlarını daha təkmilləşdirmək yolu ilə Ukrayna və Türkiyə biznesinə rahat şərait yaratmaqdır”.

Qeyd edək ki, bu ilin avqustunda Türkiyəyə gedən ukraynalı turistlərin sayı artaraq 171, 716 min nəfərə çatıb ki, bu da 2015-ci ilin avqust ayının göstəricilərindən 65 faiz çoxdur.

Zeynal Ağazadə

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.