DÜNYA


Ukraynada "Uber"ə rəqib taksi xidməti istifadəyə verilib

A+ A

Bakı, 23 sentyabr, AZƏRTAC

Sentyabrın 23-də Ukraynada "Uber"ə rəqib "Taxify" taksi çağırışı xidməti işə salınıb.

AZƏRTAC “psm7.com”a istinadla xəbər verir ki, bu xidmətdən ilk olaraq Kiyev sakinləri istifadə edə biləcəklər. Şirkətdə ilkin hazırlıq keçən 200 sürücü çalışacaq. Sistem sərnişinlərə sürücüləri, sürücülərə isə sərnişinləri qiymətləndirməyə imkan verir. "Taxify" mobil əlavəsini Android və iOS-ə yükləməklə müştərilər avtomobil sifariş edə bilərlər. Gediş haqqını mobil əlavə vasitəsilə ödəmək mümkündür.

Qeyd edək ki, ilk dəfə "Taxify" xidməti 2013-cü ildə Estoniyada buraxılıb. Bu gün xidmət 9 ölkədə, o cümlədən Çexiya, Estoniya, Finlandiya, Gürcüstan, Latviya, Litva, Serbiya, Niderland və Meksikada fəaliyyət göstərir. Şirkət gələcəkdə daha bir neçə Avropa ölkəsində xidmətini genişləndirməyi planlaşdırır.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.