Ukraynada iki həftə ərzində baş verən yanğınlar zamanı 95 nəfər ölüb
Kiyev, 16 yanvar, AZƏRTAC
Ukraynada 2018-ci ilin 14 günündə 95 nəfər baş verən yanğın zamanı ölüb, 50 nəfəri isə xəsarət alıb.
Bu barədə AZƏRTAC ölkənin Fövqəladə Hallar üzrə Dövlət Xidmətinin mətbuat xidmətinə istinadən məlumat verir.
Dövlət xidməti bildirib ki, yanğınların intensivləşməsi vətəndaşların qış mövsümündə yaşayış yerlərində təhlükəsizlik qaydalarına riayət etməməsi səbəbindən baş verib.
Dövlət qurumu vətəndaşları məişət cihazlarından istifadə edərkən ən elementar təhlükəsizlik qaydalarına riayət etməyə çağırıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
