Azərbaycan Dövlət İnformasiya Agentliyi

REGİONLAR

Ulu öndər Heydər Əliyevin əziz xatirəsi muxtar respublikanın bütün guşələrində ehtiramla anılıb

Naxçıvan, 12 dekabr, AZƏRTAC

Dekabrın 12-də Ulu öndər Heydər Əliyevin əziz xatirəsi muxtar respublikanın bütün rayonlarında ehtiramla anılıb.

Şərur rayonu

Şərur rayonu Naxçıvan Muxtar Respublikasının ən böyük bölgələrindəndir. Bu qədim oğuz-türk yurdu barlı-bərəkətli torpaqları, gözəl və abad yurd yerləri, əsrarəngiz təbiət abidələri ilə göz oxşayır. Ümummilli lider Heydər Əliyevin Azərbaycanda rəhbərliyə başlaması Şərur rayonunun da dirçəlməsinə səbəb olub, bölgədə genişmiqyaslı tikinti-quruculuq, abadlıq tədbirlərinin həyata keçirilməsi geniş vüsət alıb. Ulu Öndərin bilavasitə rəhbərliyi ilə Arpaçayın üzərində su anbarı tikilib. Burada yaradılan su ehtiyatı rayonun on minlərlə hektar əkinəyararlı sahələrinin suvarılmasına imkan verib.

Məhz ümummilli lider Heydər Əliyevin böyük qayğısı sayəsində ötən əsrin 70-ci illərindən başlayaraq Şərur rayonunda kənd təsərrüfatı inkişaf etdirilib, yeni meyvə və üzüm bağları salınıb, hektarlarla ərazidə müxtəlif məhsullar yetişdirilib. Geniş aqrar sənaye komplekslərinin yaradıldığı bu rayon həmin illərdə Naxçıvan Muxtar Respublikasının sosial-iqtisadi inkişafında həmişə ön sıralarda olub. Buna görə də rayon sakinləri Ümummilli Liderimizin rəhbərliyi ilə həyata keçirilən tədbirləri bu gün minnətdarlıq hissi ilə xatırlayırlar. Ulu Öndər bu bölgəyə yüksək qiymət verərək deyib: “Mən arzu edirəm ki, siz gələcəkdə öz işlərinizi daha da yaxşılaşdırasınız. Şərur rayonunun imkanları böyükdür. Burada yaxşı torpaqlar var, çox fədakar insanlar, sizlər varsınız. Arzu edirəm ki, buranı daha da abadlaşdırasınız, gözəlləşdirəsiniz və iqtisadiyyatınızı daha da inkişaf etdirəsiniz”.

Ötən əsrin 90-cı illərində muxtar respublikanın ağır blokada şəraitində yaşaması, digər bölgələrimiz kimi, Şərur rayonuna da öz mənfi təsirini göstərib. Uzun illər boyu minbir əziyyətlə yaradılan müəssisələr iflic vəziyyətinə düşərək fəaliyyətini dayandırıb. Kənd təsərrüfatı sahəsində ciddi problemlər özünü göstərib. Lakin dahi şəxsiyyət Heydər Əliyevin Naxçıvan Muxtar Respublikasına rəhbərlik etdiyi dövrdə, eləcə də xalqın təkidli tələbi ilə ikinci dəfə Azərbaycanda siyasi hakimiyyətə qayıdışından sonra muxtar respublikanın hər bir rayonu kimi, Şərura da böyük diqqət və qayğı göstərilib.

Ötən dövr ərzində Şərur rayonu daha da inkişaf edərək yeni mərhələyə qədəm qoyub. Regionların sosial-iqtisadi inkişafı ilə bağlı qəbul edilən dövlət proqramlarının uğurlu icrası nəticəsində rayonda bütün sahələrin inkişafına nail olunub. Muxtar respublikada həyata keçirilən quruculuq tədbirləri çərçivəsində bölgədə mühüm infrastruktur layihələri icra olunub. Rayonda fəaliyyət göstərən təhsil, mədəniyyət, səhiyyə, eləcə də digər dövlət orqanları üçün hərtərəfli şərait yaradılıb, yol infrastrukturu yenilənib, onlarla kənd və xidmət mərkəzləri tikilib, əhalinin enerji təhlükəsizliyi təmin edilib.

Bu gün Şərur rayonunda aparılan genişmiqyaslı tikinti-quruculuq, abadlıq işləri bu qədim diyarın simasını daha da gözəlləşdirib. Quruculuq işləri cari ildə də davam etdirilir. 2016-cı ildə Şərur Şəhər Fizika-Riyaziyyat Təmayüllü Lisey Kompleksi, Arbatan kəndində yeni sosial obyektlər istifadəyə verilib. Eyni zamanda, Şərur şəhər 2 nömrəli tam orta məktəbin, Çəmənli kəndində məktəb binasının, kənd və xidmət mərkəzlərinin, eləcə də Arpaçay kəndindəki kənd və xidmət mərkəzlərinin tikintisi davam etdirilib. Həyata keçirilən tədbirlər əhalinin gün-güzəranını, yaşayış səviyyəsini yaxşılaşdırır, onlarda Vətənə, torpağa olan sevgini, el-obaya bağlılığı daha da artırır. Tarixən qoçaq, zəhmətkeş, əməksevər olan şərurlular yaradılan şəraitdən bəhrələnərək muxtar respublikamızın sosial-iqtisadi inkişafında yaxından iştirak edirlər.

Xalqımızın ümummilli lideri Heydər Əliyevin siyasi kursuna həmişə sədaqətli olan şərurlular bu gün ölkə başçısı İlham Əliyevin ətrafında sıx birləşir, onun yeritdiyi daxili və xarici siyasəti birmənalı şəkildə dəstəkləyir və müdafiə edirlər. Şərurluların fəal vətəndaş mövqeyi onları daha yaxşı işləməyə sövq edir, muxtar respublikanın hərtərəfli inkişafına verdikləri sanballı töhfələrdə bir daha özünü göstərir.

Dekabrın 12-də Şərur şəhərinin Heydər Əliyev prospektində Ulu Öndərimizin əzəmətlə ucalan abidəsi minlərlə insanın ziyarətgahına çevrildi. Dahi rəhbərin anım günündə rayon sakinləri ümummilli lider Heydər Əliyevin əziz xatirəsini böyük ehtiramla yad etdilər.

Babək rayonu

Babək rayonu ümummilli lider Heydər Əliyevin Azərbaycan Respublikasına birinci rəhbərliyi dövründə, 1978-ci il oktyabrın 23-də yaradılıb. Uzaqgörən siyasətçi Heydər Əliyevin o illərdə ölkənin dağ və sərhəd rayonlarının daha da möhkəmləndirilməsi siyasətinin məntiqi nəticəsi kimi yeni rayonun təşkili ideyası, mərkəzi hakimiyyətin iradəsinin əksinə olaraq, rayona Babək adının verilməsi Ulu Öndərimizin qətiyyətinin, daim azərbaycançılıq mövqeyində dayanmasının, milli yaddaşın bərpası istiqamətində həyata keçirdiyi taleyüklü tədbirlərin nəticəsi idi.

Bu gün 74 minə yaxın əhalisi olan Babək rayonu 35 kənd və bir qəsəbədən ibarətdir. Rayonun inzibati mərkəzi olan Babək qəsəbəsi, ən ucqar dağ və sərhəd yaşayış məntəqələri sürətli inkişaf yolundadır. Bölgənin Nehrəm, Qahab, Kərimbəyli, Şıxmahmud kimi böyük kəndləri ilə yanaşı, ucqar yaşayış məntəqələri olan Göynükdə, Nəhəcirdə, Naxışnərgizdə, Yuxarı Buzqovda, Gərməçataqda da müasir infrastruktur yaradılıb.

Ulu öndər Heydər Əliyevin siyasətinin uğurla davam etdirilməsi sayəsində Babək rayonunda sənaye məhsulunun həcmi xeyli artıb, fəaliyyətdə olan müxtəlif istehsal müəssisələrinin sayı 60-a çatıb. Rayon ərazisində daş məhsulları, kərpic, beton məmulatları və mineral su istehsalı müəssisələri ilə yanaşı, kiçik sahibkarlıq obyektləri də fəaliyyət göstərir. Nehrəmdə və Şıxmahmudda gəc istehsalı sahələri, Cəhri, Sirab və Hacıvardakı un dəyirmanları və digər kəndlərdəki istehsal sahələri çox sayda babəklinin işlə təmin olunmasına imkan verib.

Ötən dövrdə rayonda xeyli kənd və xidmət mərkəzləri istifadəyə verilib, təhsilə qayğı sayəsində gözoxşayan məktəb binaları tikilib və ya əsaslı təmir olunaraq yenidən qurulub. Bu illər ərzində Babəkdə mədəniyyətin inkişafı istiqamətində də mühüm tədbirlər həyata keçirilib, bölgənin mədəniyyət müəssisələrinin fəaliyyətinin yeni binalarda davam etdirilməsinə şərait yaradılıb.

“Abad yurd yolundan bəlli olar” deyiblər. Babək rayonu bu gün rahat yol-nəqliyyat infrastrukturuna malikdir. Son illərdə burada Hacıvar-Vayxır-Sirab və Şəkərabad-Babək qəsəbə-Nehrəm-Arazkənd dairəvi avtomobil yolları inşa olunub, görülən kompleks quruculuq tədbirləri nəticəsində yeni yollar çəkilib, kəndlərdən rayon mərkəzinə və Naxçıvan şəhərinə gediş-gəliş xeyli asanlaşıb. Cari ildə də rayonda tikinti-quruculuq işləri davam etdirilib. 31 min nəfərdən çox əhalinin yaşadığı 7 yaşayış məntəqəsini əhatə edən Şəkərabad-Babək qəsəbə-Nehrəm-Arazkənd dairəvi avtomobil yolunun 9,6 kilometr uzunluğunda ikinci hissəsi istifadəyə verilib, Cəhri-Buzqov avtomobil yolundan Gərməçataq kəndinədək avtomobil yolu yenidən qurulub.

Xəlilli kəndində kənd və xidmət mərkəzləri tikilib, məktəb binası əsaslı təmir olunaraq istifadəyə verilib. Məzrədə kənd və xidmət mərkəzləri, tam orta məktəb binası inşa olunub. Həmçinin Hacıvarda kənd və xidmət mərkəzləri, Badaşqan kəndində isə xidmət mərkəzi tikilərək fəaliyyətə başlayıb. Yarımca kəndinə də quruculuq işlərindən böyük pay düşüb. Bu yaşayış məntəqəsində kənd və xidmət mərkəzləri, həkim ambulatoriyası tikilib, kənd tam orta məktəbi isə əsaslı təmir olunub. Kənddə 4 min 700 metr uzunluğu olan yola asfalt salınıb.

Rayonun suvarma şəbəkəsinin yenilənməsi də daim diqqətdə saxlanılır. Cari ildə Kültəpə və Kərimbəyli kəndlərində torpaqların suvarılmasını təmin etmək, su itkisinin və şoranlaşmanın qarşısını almaq məqsədilə Heydər Əliyev Su Anbarından başlayan Vayxır sol sahil kanalından 3 min 60 metr yeni boru xətti çəkilib. Suyun əraziyə itkisiz paylanması üçün 1272 metr beton kanal tikilib, üzərində 16 suburaxıcı qapı qoyulub. Yeni suvarma sisteminin qurulması nəticəsində Kültəpə və Kərimbəyli kəndlərinin 565 hektar torpaq sahəsində suvarma imkanları yaxşılaşdırılıb ki, bunun da 217 hektarı yeni əkin dövriyyəsinə qatılmış torpaqlardır.

Dekabrın 12-də ümummilli lider Heydər Əliyevin əziz xatirəsi muxtar respublikanın hər yerində olduğu kimi, Babək rayonunda da böyük ehtiramla anılıb. Həmin gün rayon mərkəzinin Heydər Əliyev prospektində Ulu Öndərimizin əzəmətlə ucalan abidəsi minlərlə insanın ziyarətgahına çevrilib. Rayon sakinləri müstəqil Azərbaycanın qurucusunun xatirəsini dərin ehtiramla yad ediblər.

Ordubad rayonu

Xalqımızın ümummilli lideri Heydər Əliyevin “Azərbaycanın incisi” adlandırdığı Ordubad rayonunda dahi rəhbərin qurub-yaratdıqlarını sadalamaqla bitməz. Rayonun hərtərəfli inkişaf etdirilməsi Ümummilli Liderin Azərbaycana rəhbərliyinin hər iki dövründə diqqətdə saxlanılıb.

Qeyd etmək lazımdır ki, ötən əsrin 80-ci illərinin sonlarında bu yurd yerimizin də insanları böyük çətinliklərlə üzləşmişdilər. Ancaq dahi rəhbərin muxtar respublikaya gəlişindən sonra digər bölgələrimiz kimi, Ordubad da sürətli inkişaf yoluna qədəm qoydu. Rayonda vəziyyət müsbətə doğru dəyişildi, bütün sahələrdə böyük problemlərin olduğu bölgədə həyata keçirilən təxirəsalınmaz tədbirlər nəticəsində ictimai-siyasi sabitlik, əmin-amanlıq bərpa edildi, iqtisadi böhranın aradan qaldırılması üçün ilkin zəruri addımlar atıldı. Rayonun müxtəlif sahələrinin inkişafına əhalinin bütün təbəqələri cəlb edildi, məşğulluq probleminin aradan qaldırılması istiqamətində təxirəsalınmaz tədbirlər həyata keçirildi, azad sahibkarlıq üçün geniş imkanlar yaradıldı, dağıdılmış aqrar sahə bərpa edildi.

Son illərdə Ordubad rayonunda əldə olunan nailiyyətlər onu deməyə əsas verir ki, Ulu Öndərimizin Naxçıvanın inkişafı naminə başladığı işlər uğurla davam etdirilir. Elə buna görə də həyata keçirilən tədbirlərin parlaq nəticələrini rayonun hər bir yaşayış məntəqəsində görmək olar. Muxtar respublikanın sosial-iqtisadi inkişafı istiqamətində görülən tədbirlər bütün bölgələr kimi, Ordubadın da sosial-iqtisadi inkişafına öz töhfələrini verib, rayon iqtisadiyyatının daha da güclənməsi əhalinin gün-güzəranını yaxşılaşdırıb. Bölgənin ən ucqar dağ və sərhəd kəndlərinin siması dəyişib, yaşayış məntəqələrində tikinti-quruculuq işləri geniş vüsət alıb.

Cari ildə də Ordubad rayonunda tikinti-quruculuq işləri davam etdirilib, yeni bağlar, yaşıllıq sahələri salınıb. Belə ki, 2016-cı ildə Ordubad şəhərində dəmiryol sərnişin vağzalı və Yol Sahəsi idarəsinin inzibati binalarında tikinti işləri davam etdirilib. Kapital Bankın rayon şöbəsinin, şəhər Sürücülük və Texniki Peşə Məktəbinin binaları yenidən qurulub. Hazırda şəhərin Mirzə Fətəli Axundov küçəsində 36 mənzilli yaşayış binasında təmir işləri aparılır, həmçinin su, kanalizasiya xətlərinin çəkilişi davam etdirilir.

Yaşayış məntəqələrində aparılan tikinti-quruculuq işlərindən Baş Dizə kəndinə də pay düşüb. Cari ildə bu yaşayış məntəqəsində kənd və xidmət mərkəzləri, 156 yerlik məktəb binası inşa edilib.

Görülən işlərin nəticəsidir ki, bu gün Ordubad tarixiliyini saxlamaqla ən abad və müasir bir rayona çevrilib. Bütün bunlar Heydər Əliyev yolunun uğurla davam etdirilməsinin nəticəsidir. Ölkəmizin gələcəyi üçün gördüyü işlərə, insanların rifahı naminə misilsiz xidmətlərinə, bugünkü əmin-amanlığa, firavanlığa görə xalqımızın böyük oğlu rayon sakinləri tərəfindən həmişə minnətdarlıqla xatırlanır.

Ulu Öndərin anım günündə rayon sakinləri görkəmli dövlət xadimi Heydər Əliyevin rayon mərkəzindəki abidəsi önünə gələrək ona sevgi və ehtiramlarını bildirib, ən böyük azərbaycanlının əziz xatirəsini bir daha yad ediblər.

Culfa rayonu

Muxtar respublikanın bütün bölgələri kimi, Culfa rayonunun sakinləri də Ümummilli Liderin əziz xatirəsini böyük ehtiramla anıblar.

Bu gün rayonun hansı səmtinə üz tutsan, orada dahi rəhbərin ideyalarının uğurla davam etdirildiyinin şahidi olarsan. Culfa rayonu istər tarixi-mədəni, istərsə də strateji baxımdan regionun mühüm əhəmiyyət kəsb edən ərazilərindən biridir. Ümummilli lider Heydər Əliyev hakimiyyətdə olduğu hər iki dövrdə digər rayonlar kimi, Culfa rayonunun da sosial, iqtisadi, mədəni yüksəlişinə daim qayğı ilə yanaşıb.

Ulu öndər Heydər Əliyevin müəyyən etdiyi inkişaf strategiyasının muxtar respublikada uğurlu davamının nəticəsidir ki, bu bölgədə də kompleks quruculuq tədbirləri həyata keçirilib, son illər rayonda hər bir yaşayış məntəqəsində müasir memarlıq üslubu ilə gözoxşayan ümumtəhsil və uşaq musiqi məktəbləri, uşaq bağçaları, məktəbdənkənar müəssisələr, səhiyyə obyektləri, mədəniyyət müəssisələri, kənd mərkəzləri üçün yeni binalar istifadəyə verilib, obyektlər müasir avadanlıqlarla təchiz edilib. Rayonda həyata keçirilən tədbirlər gələcəyimiz olan uşaqların yaxşı təhsil almasına, sağlam böyüməsinə, rayon sakinlərinin rahat yaşamasına və asudə vaxtlarının səmərəli keçirilməsinə, kəndlə şəhər arasındakı fərqin aradan qaldırılmasına zəmin yaradıb.

Rayon mərkəzi burada aparılan abadlıq-quruculuq tədbirləri nəticəsində gözəl məkana çevrilib. Bir-birindən yaraşıqlı inzibati və yaşayış binaları, parklar, abad prospekt və küçələr, həm şəhərdaxili, həm də rayonun kəndləri arasında salınmış asfalt yollar sakinlərin istifadəsinə verilib.

Əhalisinin 70 faizdən çoxu kəndlərdə yaşayan muxtar respublikanın digər bölgələrində olduğu kimi, Culfa rayonunda da aqrar bölmənin inkişafı mühüm əhəmiyyətli sahə kimi diqqət mərkəzində saxlanılıb, daxili bazarın keyfiyyətli yerli kənd təsərrüfatı məhsulları ilə təmin olunmasına əlverişli şərait yaradılıb. Həyata keçirilən ardıcıl və məqsədyönlü tədbirlər öz bəhrəsini verib, əhalinin məşğulluğu təmin olunub, maddi rifah halı daha da yaxşılaşıb.

Təbii ki, görülən işlər rayon sakinləri tərəfindən minnətdarlıqla qarşılanır, xalqımızın böyük oğlu, dahi şəxsiyyət Heydər Əliyevin əziz xatirəsi dərin ehtiramla yad olunur. Böyük rəhbərə ehtiramın ifadəsi olaraq culfalılar Ulu Öndərin əziz xatirəsini anıb, rayon icra hakimiyyətinin binası qarşısında ucaldılmış büstünü ziyarət ediblər.

Kəngərli rayonu

Kəngərli rayonunun yaradılması və bugünkü inkişafı da Azərbaycan xalqının ümummilli lideri Heydər Əliyevin uğurlu siyasi xəttinin ifadəsidir. Bu rayonun yaradılması, yeni idarə, müəssisə və təşkilatların fəaliyyətə başlaması mindən çox iş yerinin açılmasına, bölgə iqtisadiyyatının güclənməsinə, ailələrin məskunlaşmasına şərait yaradıb. Özündə tarixi bir ad yaşadan Kəngərli rayonu qısa müddətdə muxtar respublikanın digər rayonlarının inkişaf səviyyəsinə çatıb.

Muxtar respublikada dahi şəxsiyyətin yolunun böyük ehtiramla davam etdirilməsi nəticəsində bütün bölgələrdə, o cümlədən Kəngərli rayonunda geniş tikinti-quruculuq işləri həyata keçirilib. İnsana qayğının təcəssümü olan bu inkişaf rayonun bütün kəndlərini əhatə edib, müasir məktəb binaları, səhiyyə və mədəniyyət ocaqları tikilib istifadəyə verilib, yollar abadlaşdırılıb, sənaye müəssisələri yaradılıb.

Qürurla deyə bilərik ki, bu gün Kəngərli muxtar respublikanın, həmçinin Azərbaycanın bütün yaşayış məntəqələri abadlaşdırılan ilk rayonudur. Bölgənin abadlaşan sonuncu yaşayış məntəqəsi Yurdçu kəndi olub. Bu il yanvarın 14-də Yurdçu kəndində orta məktəb, kənd və xidmət mərkəzləri üçün binalar, o cümlədən kənd yolu istifadəyə verilib. Quruculuq işləri bununla yekunlaşmayıb. Akademik Zərifə xanım Əliyeva adına Şahtaxtı kənd tam orta məktəbinin binası əsaslı yenidənqurmadan sonra istifadəyə verilib, rayonun Böyükdüz və Xok kəndlərini əhatə edən qapalı suvarma şəbəkəsi işə salınıb.

Qıvraq qəsəbəsində hər il yeni binalar tikilir. Burada yenidənqurma işləri aparıldıqdan sonra istifadəyə verilən Xanlıqlar-Püsyan-Qıvraq avtomobil yolu, müasir üslubda inşa edilən təhsil şöbəsi, Uşaq-Gənclər Şahmat Məktəbi, elektrik şəbəkəsi üçün binalar və “Qıvraq” elektrik yarımstansiyası, Ticarət-İaşə və Bazar Kompleksi göz oxşayır. Bu il Qıvraq qəsəbə tam orta məktəbində cari təmir işləri həyata keçirilib, hazırda uşaq bağçasının inşası aparılır.

Kəngərli rayonunda keçirilən iməciliklərdə yaşıllıq zolaqları ilə yanaşı, hər il yeni meyvə bağları da salınır. Bu il 50 hektar sahədə püstə, 14 hektar sahədə isə tut bağı salınıb.

Əldə olunan nailiyyətlər təkcə iqtisadi sahələri əhatə etmir. Mədəniyyət, təhsil, səhiyyə kimi humanitar sahələr də öz inkişafının yeni mərhələsinə qədəm qoyub. Kəngərli rayonunun sakinləri bütün bu uğurlara görə ulu öndərimiz Heydər Əliyevə minnətdardırlar.

Ulu öndər Heydər Əliyevin əziz xatirəsi dekabrın 12-də Kəngərli rayonunda da böyük hörmət və ehtiramla anılıb. Dahi şəxsiyyətin anım gününə həsr olunmuş mərasimdə sakinlər Azərbaycanın xilaskarına və onun nurlu yoluna olan hörmət və ehtiramlarını bir daha nümayiş etdiriblər.

Həmin gün xalqımızın böyük oğlunun rayon mərkəzində əzəmətlə ucalan abidəsi yüzlərlə insan tərəfindən ziyarət olunub.

Şahbuz rayonu

Şahbuz rayonu da ümummilli liderimiz Heydər Əliyevin müəyyənləşdirdiyi inkişaf və tərəqqi yolu ilə inamla irəliləməkdədir. Rayon iqtisadiyyatı müstəqillik illərində inkişaf etdirilib, əhalinin yaşayış səviyyəsi yüksəlib. Müasir Şahbuzun bütün yaşayış məntəqələri abadlaşıb, rahat yol və nəqliyyat sistemi, etibarlı enerji və rabitə şəbəkəsi yaradılıb. Rayonun ən ucqar dağ və sərhəd yaşayış məntəqələrinin siması tanınmaz dərəcədə dəyişilib. Sürətli inkişaf dövrü keçərək ölkəmizin nümunəvi bölgələrindən birinə çevrilən bu qədim yurd yerində təbiət gözəllikləri ilə insan əli möcüzələri ahəngdarlıq təşkil edir. Ötən illərdə rayonda yaradılmış çoxsaylı sosial obyektlərin sırasına bu il yeniləri əlavə olunub. Bu il rayonda Daylaqlı kənd və xidmət mərkəzləri tikilib, kənd tam orta məktəbinin binası istifadəyə verilib, kənddaxili yollar yenidən qurulub.

Aparılan abadlıq tədbirləri rayonun Kiçikoba kəndini də müasirliyə qovuşdurub. Quruculuq işləri sayəsində Kiçikoba-Daylaqlı kənd avtomobil yolu yenidən qurulub, Kiçikobada kənd və xidmət mərkəzləri inşa olunub. Hazırda Kolanı kəndində tam orta məktəb üçün tikilən binada son tamamlama işləri aparılır, Şahbuz şəhərində elektrik şəbəkəsi üçün inzibati binanın tikintisi davam etdirilir.

Ölkəmizin artan iqtisadi potensialından bəhrələnib öz firavan həyatını qurmuş şahbuzlular ümummilli lider Heydər Əliyevin xalqımız qarşısındakı misilsiz xidmətlərini, dahi şəxsiyyətin ölkəmizin, muxtar respublikamızın çətin dövrlərindəki xilaskarlıq missiyasını həmişə minnətdarlıqla xatırlayırlar. Ulu Öndərimizin müəyyənləşdirdiyi sosial-iqtisadi strategiya, quruculuq xətti bu gün ölkəmizin hər yerində olduğu kimi, Şahbuzu da inkişaf və tərəqqiyə qovuşdurub.

Dekabrın 12-də ulu öndərimiz Heydər Əliyevin xatirəsinin anım günündə rayon ictimaiyyətinin nümayəndələri görkəmli dövlət xadimi Heydər Əliyevin Şahbuz Rayon İcra Hakimiyyəti önündə ucaldılmış büstünü ziyarət ediblər.

Sədərək rayonu

Naxçıvan Muxtar Respublikasının sərhəd bölgəsi olan Sədərək rayonunun yaradılması, inkişafı və tərəqqisi ulu öndərimiz Heydər Əliyevin adı ilə bağlıdır. Sədərək muxtar respublikanın inzibati ərazi bölgüsünə rayon kimi 1990-cı il avqustun 28-də daxil edilib. Rayon mərkəzi olan Heydərabad qəsəbəsinin əsası hələ Ümummilli Liderin Azərbaycana birinci rəhbərliyi dövründə qoyulub.

Ötən əsrin 90-cı illərində Sədərək mənfur ermənilər tərəfindən mütəmadi olaraq hücumlara məruz qalıb. Naxçıvanın qala qapısı sayılan bu bölgədə 1990-1993-cü illərdə ağır döyüşlər olub. Həmin illərdə buradakı vəziyyətlə bilavasitə tanış olan ümummilli lider Heydər Əliyev bu hücumların qarşısının alınması üçün böyük xidmətlər göstərib, dünya ölkələrinin diqqətini burada baş verən hadisələrə yönəldib. Dahi şəxsiyyətin böyük nüfuzu, uzaqgörən siyasəti nəticəsində düşmən hücumlarının qarşısı qətiyyətlə alınıb, rayonun müdafiəsi üçün mühüm addımlar atılıb.

Ümummilli liderimiz Heydər Əliyevin Naxçıvan Muxtar Respublikası Ali Məclisinin Sədri işlədiyi dövrdə rayonun sosial-iqtisadi inkişafının təmin edilməsi istiqamətində ardıcıl tədbirlər həyata keçirilib. 1 qəsəbə və 2 kənd yaşayış məntəqəsindən ibarət olan Sədərək rayonu bu tədbirlər sayəsində hərtərəfli tərəqqiyə qovuşub. Rayonda 1782 şagird yerlik 4 ümumtəhsil məktəbi, 1 uşaq musiqi məktəbi, 2 uşaq bağçası, 3 səhiyyə müəssisəsi, 4 mədəniyyət, 2 idman obyekti, 2 kənd mərkəzi tikilərək və ya əsaslı şəkildə yenidən qurularaq istifadəyə verilib. Heydərabad qəsəbəsinin siması büsbütün dəyişib, yeni park və küçələr salınıb, yaşıllıqlar yaradılıb, rayonun bütün daxili yolları abadlaşdırılıb.

Ulu Öndərimizin Sədərək rayonunun yaradılması, Azərbaycanın ayrılmaz tərkib hissəsi kimi qorunub saxlanılması və inkişaf etdirilməsi sahəsində xidmətləri bu gün dərin hörmət və ehtiramla anılır. Rayon ictimaiyyəti bu böyük sevgi və ehtiramı dahi rəhbər Heydər Əliyevin Heydərabad qəsəbəsindəki abidəsini ziyarət etməklə bir daha nümayiş etdirib.

AZƏRTAC-ın Naxçıvan Muxtar Respublikasındakı bürosu

Xəbəri sosial şəbəkələrdə paylaşın

Bizi sosial şəbəkələrdə izləyin

Naxçıvanda ilk dəfə maralfalfa bitkisi əkilib

Milli Kitabxanada Əli Tudənin anadan olmasının 100 illiyi qeyd edilib

Azərbaycan-Çin əlaqələri - tarixi İpək yolundan başlanan dostluq

® “Azercell” gənclərin informasiya texnologiyaları sahəsində inkişafını dəstəkləməyə davam edir

BMT-nin İnkişaf Proqramı çərçivəsində COP29-la bağlı potensial tərəfdaşlıq müzakirə olunub

Ədəbiyyat Muzeyində “Soyqırımlarının qıra bilmədiyi sarsılmaz iradə” mövzusunda elmi sessiya keçirilib

Qubada aqrar sahənin investisiya imkanları və yeni çağırışlar müzakirə olunub

Rusiya XİN: Ermənistan quru yerdə qala bilər

® “Rabitəbank”dan yüksək keşbekli əməkhaqqı kartı!

Ceyhun Bayramov: Sülh prosesinin irəlilədilməsi istiqamətində yeni çağırışlar yaradan bir sıra addımlar prosesə maneə törədir

Biləsuvarda Azərbaycanlıların Soyqırımı Gününə həsr olunan elmi konfrans keçirilib

Naftalanda şəhid ailələri və qazilər üçün iftar süfrəsi açılıb

Xabi Alonso “Bayer”də qalacağını açıqlayıb

Harvard Universiteti qədim kitabın cildindən insan dərisini çıxarıb

Naxçıvanda Azərbaycanlıların Soyqırımı Gününə həsr olunmuş elmi konfrans keçirilib

AZAL martın 31-dən yay uçuş cədvəlinə keçir

“Bülbülün qonaqları” rubrikası növbəti dəfə Məmməd Səid Ordubadiyə həsr olunub

Məktəblərdə direktor müavini vəzifəsinə işə qəbul üzrə təkrar müsahibə keçirilir

İlahiyyat İnstitutunun “Qonağınız müəllimlərinizdir” layihəsi davam edir

Mərkəzi Gömrük Hospitalında 31 Mart - Azərbaycanlıların Soyqırımı Gününə həsr edilmiş tədbir keçirilib

Quba şəhərindəki kütləvi məzarlıq 1918-ci il mart soyqırımının qanlı tablolarından biridir - elmi konfrans

“Telegram”da yeni funksiyalar olacaq

Təhsil müəssisəsində aşkar edilən qanunsuzluqlarla bağlı başlanmış cinayət işi məhkəməyə göndərilib

XƏBƏRDARLIQ: Hava şəraiti dəyişəcək, külək, yağış, qar, daşqın və sel gözlənilir

Aygün Zərbəliyeva: “Meta”da təxminən 20 nəfər azərbaycanlı çalışır

Rəcəb Tayyib Ərdoğan may ayında Vaşinqtona səfər edəcək

Aşqarlar Kimyası İnstitutunda mart soyqırımı qurbanlarının xatirəsi anılıb

Energetika naziri Qazaxda vətəndaşlarla görüşüb

“Everton”un sabiq futbolçusu ömürlük həbs oluna bilər

Türkiyədə bələdiyyə seçkilərinə hazırlıq başa çatıb

Gənclərə ətraf mühitin qorunması, alternativ enerji mənbələri mövzularında təlim keçirilib

31 Mart - tarixi yaddaşımızdan silinməyən soyqırımı

Məhkumların uşaqları həm əyləndi, həm öyrəndi

Tovuzda 40 yaşlı kişini “tok” vurub öldürdü

“2026-cı ilə qədər 6000 keçmiş məcburi köçkünün peşə təliminə cəlb olunması nəzərdə tutulub” - AÇIQLAMA

® Mərkəzi Gömrük Hospitalının həkimi Almatıda keçirilən beynəlxalq elmi-praktik konfransda məruzə ilə çıxış edib

® “PAŞA Qrup” şirkətləri tərəfindən Novruz bayramı ərəfəsində növbəti sosial aksiya keçirilib

"Aqroservis" ASC-nin sədr müavini Zaqatalada vətəndaşları qəbul edib, təsərrüfatlarla tanış olub

“AzScienceNet” Şəbəkə İdarəetmə Mərkəzində “FileSender” xidməti istifadəyə verilib

Azərbaycan alimi nüfuzlu jurnalın redaksiya heyətinin üzvü seçilib

® “Unibank” biznes mobil bankçılıq üzrə ən yaxşı banklar siyahısındadır

Turizm və Menecment Universitetində 1918-ci il mart soyqırımına həsr olunan tədbir keçirilib

Türk Mədəniyyəti və İrsi Fondunun növbəti layihəsi – “Turk Discovery” yutub platforması

Bakıdakı təsnifat turnirində 33 ölkənin güləşçiləri mübarizə aparacaqlar

BMU-da Azərbaycanlıların Soyqırımı Günü qeyd olunub

Ömür boyu eyni yerdə işlədi, İkinci Dünya müharibəsindən sonra Türkiyəyə yollanmış atasını tapdı... Vəfalı oldu

Kukla Teatrında növbəti xeyriyyə aksiyası

Almaniyada kimlər daha çox pensiya alır?

Aqrar sığorta eksperti təlimi üçün müraciət müddəti uzadılıb

Havada toz müşahidə olunur

Mart soyqırımı amansızlığına və miqyasına görə bəşər tarixində ən qanlı faciələrdəndir RƏY

Qəsdən adam öldürməyə cəhd faktı ilə bağlı cinayət işi məhkəməyə göndərilib

Pasxa ərəfəsində Fransada təhlükəsizlik tədbirləri gücləndirilir

Ceyhun Kərəmov: Böyük Qayıdış regionda peşə təhsili sistemi üçün də yeni imkanlar açır - YENİLƏNİB

Bu gündən 181 avtobus yeni nəqliyyat mübadilə mərkəzindən hərəkət edəcək

İsveçrənin hidrogen qatarı rekord vurub

“Meta” səsimizi dinləyirmi? Şirkətin London ofisində çalışan azərbaycanlı ilə MÜSAHİBƏ VİDEO

Azərbaycan Respublikası Vergilər Nazirliyinin Kollegiyasının 2016-cı il 7 sentyabr tarixli 1617050000011400 nömrəli Qərarı ilə təsdiq edilmiş “Səyyar vergi yoxlamasının keçirilməsi Qaydaları”nda dəyişiklik edilməsi barədə
Azərbaycan Respublikası İqtisadiyyat Nazirliyinin Kollegiyasının QƏRARI

Azərbaycan Respublikası Vergilər Nazirliyinin Kollegiyasının 2015-ci il 19 may tarixli 1517050000003100 nömrəli Qərarı ilə təsdiq edilmiş “Fiziki şəxslərin uçota alınması, yenidən uçota alınması və uçotdan çıxarılması Qaydaları”nda dəyişiklik edilməsi barədə
Azərbaycan Respublikası İqtisadiyyat Nazirliyinin Kollegiyasının QƏRARI

Bu ilin fevralında Türkiyənin ticarət balansının kəsiri azalıb

Tədqiqat: Təbii və süni dadlandırıcılar qanda şəkəri azaldır

Bakıda informasiya texnologiyaları və onların tətbiqi üzrə 2-ci beynəlxalq konfrans keçiriləcək

Laçındakı Aqrosənaye parkında 46 müəssisə fəaliyyət göstərəcək

Qulu Ağsəsin “Görsən üşüyürsən...” adlı şeirlər kitabı çap olunub

Moskvada MDB İqtisadi Şurasının iclası keçirilib VİDEO

Türkiyədə ABŞ nümayəndə heyəti ilə Ukrayna müharibəsi və terrorizmlə mübarizə məsələləri müzakirə ediləcək

Argentina millisinin futbolçusunu hədələyən cinayətkarlar saxlanılıb

Yaz mövsümü və allergik xəstəliklər

Azərbaycan Premyer Liqasında daha 2 turun cədvəli məlum olub

Deputat: Mart soyqırımları bəşər tarixində ən qanlı faciələrdəndir

Əmək və əhalinin sosial müdafiəsi naziri Neftçalada vətəndaşları qəbul edib

Bakıda VI Ümumdünya Mədəniyyətlərarası Dialoq Forumu keçiriləcək

Barselonada ekstremal quraqlıq hökm sürür

“Uğurlarımın arxasında duran ən böyük səbəb budur” – peşə məktəbi məzununun UĞUR HEKAYƏSİ

Azərbaycan Kubokunda yarımfinal mərhələsinin cavab oyunlarının proqramı açıqlanıb

Fransa dövləti və Daxili Təhlükəsizlik Baş İdarəsi məhbusu necə manipulyasiya edib?

Salyan sakinindən külli miqdarda heroin götürülüb

ABŞ-ın Ukraynaya yardımının ümumi məbləği 113 milyard dolları keçib

Sabah ölkə ərazisində hava şəraiti dəyişkən buludlu olacaq

“60 çiçək – bir çələng” adlı Zəfər almanaxı işıq üzü görüb

Baş katib: Azərbaycan basketbolunda yeni tarix yazmaq istəyirik

Ən varlı amerikalıların 1 faizinin sərvəti 44,6 trilyon dollara yüksəlib

Milli Kitabxanada 31 Mart - Azərbaycanlıların Soyqırımı Günü ilə əlaqədar tədbir təşkil olunub

Kembricdə şahzadə Filippin heykəlini demontaj edəcəklər

BDU-da Günəş aktivliyinin tədris göstəricilərinə təsiri məsələsi müzakirə olunub

Moskvada MDB İqtisadi Şurasının 101-ci iclası başlayıb

Ölkəyə idxal olunan bir sıra qida məhsullarında uyğunsuzluqlar aşkarlanıb

Səhiyyə Nazirliyi Laçın şəhərində uşaqların kompleks tibbi müayinəsini aparıb və maarifləndirici aksiya təşkil edib

Olimpiya idman növləri üzrə federasiyalar üçün seminar keçirilib

Ramazan bayramı ilə əlaqədar Bakı-Qəbələ-Bakı marşrutu üzrə qatarların hərəkətində dəyişiklik edilir

Dövlət Ekoloji Təhlükəsizlik Xidməti ictimai-iaşə obyektlərinin sahiblərinə çağırış edib

Cənubi Koreyada sürət qatarı ilə doğum səviyyəsi arasında maraqlı əlaqə tapıblar

Bakı kəndləri arasında futbol turniri başlayır 

AzMİU-da maarifləndirici seminar - Plastik tullantıların təbiətə zərəri

Dövlət Su Ehtiyatları Agentliyinin sədri Gəncə şəhərində vətəndaşlarla görüşüb

Milli Məclisin növbəti plenar iclasının vaxtı açıqlanıb

Kainatın bir çox sirrini açmağa imkan yaradan texnoloji yenilik

Azərbaycan cüdoçuları “Böyük Dəbilqə” turnirinin ilk günündə medal qazana bilməyiblər

Mart soyqırımı - insanlığın faciəsi

Naxçıvandan olan şəhid ailələrinin üzvləri Şuşada