MƏDƏNİYYƏT


Ulu öndər Heydər Əliyevin xatirəsinə həsr olunmuş sərgi maraqla qarşılanıb

Bakı, 10 may, AZƏRTAC

Səbail Rayon İcra Hakimiyyətinin təşkilatçılığı ilə rayon məktəbliləri və gənc rəssamların iştirakı ilə “Heydər Əliyev və Azərbaycan” mövzusunda rəsm müsabiqəsinin yekun sərgisi təşkil olunub.

Səbail Rayon İcra Hakimiyyətindən AZƏRTAC-a bildirilib ki, ümummilli lider Heydər Əliyevin anadan olmasının 94-cü ildönümünə həsr olunmuş silsilə tədbirlər çərçivəsində baş tutan sərgiyə 200-dən çox məktəbli və 100-dək gənc rəssam qatılıb.

Sərgidə ulu öndər Heydər Əliyev və görkəmli oftalmoloq -alim, akademik Zərifə xanım Əliyevanın portretləri, habelə gözəl mənzərə və gül kompozisiyalarını əks etdirən müxtəlif sənət əsərləri yer alıb.

“Sahil bağı”nda açılmış sərgi paytaxt sakinləri və parka toplaşan şəhərimizin qonaqları tərəfindən maraqla qarşılanıb.

Azərbaycan Rəssamlar İttifaqının, Uşaq Yaradıcılıq Mərkəzinin və rayon rəsmilərinin iştirakı ilə yaradılmiş münsiflər heyəti tərəfindən qaliblər mükafatlandırılıb.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.