ELM VƏ TƏHSİL


Ümummilli Liderin əbədiyaşar ideyaları xalqımızın parlaq gələcəyinə yol açır

Bakı, 10 may, AZƏRTAC

Heydər Əliyev adına Müasir Təhsil Kompleksində (MTK) ulu öndər Heydər Əliyevin anadan olmasının 94-cü ildönümünə həsr edilmiş tədbir keçirilib.

MTK-dan AZƏRTAC-a bildiriblər ki, tədbirdə məktəbin direktoru, professor Nasim Abışov müasir Azərbaycan dövlətinin memarı və qurucusu, dahi şəxsiyyət Heydər Əliyevin zəngin həyat və fəaliyyətindən, böyük xilaskarlıq rolundan danışıb. Vurğulanıb ki, Ümummilli Liderin əbədiyaşar ideyaları xalqımızın parlaq gələcəyinə yol açır.

Məktəbin Azərbaycan dili və ədəbiyyatı kafedrasının müdiri Sədaqət Əhmədova və digər çıxış edənlər ulu öndər Heydər Əliyev siyasi irsinin, dövlətçilik təcrübəsinin, azərbaycançılıq ideologiyasının əhəmiyyətindən bəhs ediblər.

Sonra şagirdlərin iştirakı ilə ədəbi-bədii kompozisiya nümayiş etdirilib. Məktəblilər Ulu Öndərə həsr olunan şeirlər söyləyiblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.