REGİONLAR


Ümummilli lider Heydər Əliyevin qurub-yaratdığı müasir müstəqil Azərbaycan dövləti bu gün etibarlı əllərdədir

A+ A

İsmayıllı, 23 dekabr, AZƏRTAC

İsmayıllıda fəaliyyət göstərən Heydər Əliyev İdarəetmə Məktəbinin növbəti məşğələsi “Azərbaycan xalqının taleyi etibarlı əllərdədir” mövzusuna həsr olunub.

AZƏRTAC xəbər verir ki, dekabrın 23-də keçirilən məşğələnin iştirakçıları arasında gənclər üstünlük təşkil edirdi.

Məşğələdə çıxış edən rayon icra hakimiyyətinin başçısı Mirdaməd Sadıqov, Diyallı kənd tam orta məktəbinin direktoru Şəmsiyyə Əhmədova, şəhər 6 saylı tam orta məktəbin müəllimi Minazər Mahmudova və başqaları ümummilli lider Heydər Əliyevin qurub-yaratdığı müasir müstəqil Azərbaycan dövlətinin bu gün etibarlı əllərdə olduğunu diqqətə çatdırıblar. Vurğulanıb ki, Ulu Öndər uzaqgörən siyasəti, zəngin təcrübəsi ilə Azərbaycanın inkişaf strategiyasını müəyyənləşdirib. Həmin strategiyanın Prezident İlham Əliyevin rəhbərliyi ilə ardıcıl, yaradıcılıqla həyata keçirilməsi bu gün ölkəmizi sürətlə irəli aparır.

Çıxışlarda dünyanın münaqişələrlə çarpışdığı, iqtisadi böhranla üzləşdiyi bir şəraitdə Azərbaycanda sabitliyin, inkişafın hökm sürdüyü, bunun məhz ulu öndər Heydər Əliyevin layiqli davamçısı Prezident İlham Əliyevin müdrik siyasətinin, rəhbərliyinin nəticəsi olduğu diqqətə çatdırılıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.