SİYASƏT


Ümummilli lider Heydər Əliyevin xatirəsi Berlində yad edildi

A+ A

Berlin, 11 dekabr, AZƏRTAC

Dekabrın 10-da Azərbaycanın Almaniya Federativ Respublikasındakı səfirliyində xalqımızın ümummilli lideri Heydər Əliyevin xatirəsinə həsr olunmuş anım mərasimi keçirilib.

Əvvəlcə Ulu Öndərin büstü önünə əklil qoyulub və Heydər Əliyevin xatirəsi bir dəqiqəlik sükutla yad edilib.

Mərasimdə çıxış edən səfir Ramin Həsənov ulu öndər Heydər Əliyevin istər sovet dönəmində, istərsə də müstəqillik illərində Azərbaycan xalqının tarixində oynadığı müstəsna roldan danışıb. Səfir dövlət müstəqilliyinin bərpasından sonrakı ilk illərdə respublikanın üzləşdiyi problemlərə və Ermənistanın torpaqlarımıza təcavüzünə toxunaraq vurğulayıb ki, məhz Heydər Əliyev uzaqgörənliyi sayəsində Azərbaycan xalqı siyasi hərc-mərclikdən yaxa qurtardı və dövlətçiliyini qoruya bildi.

Səfir ulu öndər Heydər Əliyevin hakimiyyət illərinə nəzər salaraq, müasir dövlətçiliyimizin, ölkəmizdə siyasi sabitliyin bərqərar edilməsinin və iqtisadi inkişafın əsasının qoyulmasının məhz onun adı ilə bağlı olduğunu vurğulayıb. Ramin Həsənov əsası Heydər Əliyev tərəfindən qoyulan və hazırda uğurla davam etdirilən müstəqil siyasətin ölkəmizi regionun lider dövlətinə çevirdiyini diqqətə çatdırıb.

Tədbirin sonunda ulu öndərin vəfatı günü ilə əlaqədar ehsan süfrəsi açılıb.

Mərasimdə Azərbaycan diasporunun nümayəndələri, Almaniyanın elmi və ictimai dairələrinin təmsilçiləri, bu ölkədə təhsil alan azərbaycanlı tələbələr və gənc tədqiqatçılar, səfirliyin əməkdaşları iştirak ediblər.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.