SİYASƏT
Ümumxalq səsverməsində iştirak etmək hər birimizin vətəndaşlıq borcudur
Bakı, 26 sentyabr, AZƏRTAC
Ümumxalq səsverməsində iştirak etmək hər birimizin vətəndaşlıq borcudur. Fiziki cəhətdən sağlamlıq durumumda problem olmasına baxmayaraq, mən də Konstitusiyaya təklif edilən əlavə və dəyişikliklərə münasibət bildirməyi özümə borc bildim və həyat yoldaşımla gəlib referendumda iştirak etdim.
Bu fikirləri AZƏRTAC-a müsahibəsində Xətai rayon sakini Yasin Əmiroğlu deyib.
Səsvermənin demokratiyanın əsas atributlarından biri olduğunu vurğulayan Y.Əmiroğlu bildirib ki, Konstitusiya islahatları ölkəmizin ictimai-siyasi həyatında mühüm önəm kəsb edir. O, hər bir vətəndaşımızı ümumxalq səsverməsində fəal iştirak etməyə çağırıb.